NAMBAR 15:15 - Lai (Hakha) Common Language Bible 2006

¹⁵ Hi mibu chungah, nannih caah le nannih an pemmi hna khual caah nawlbia pakhat a si lai, nan tefa chin tiangin a dong lo nawlbia a si lai. Bawipa hmaiah mipem zong cu nanmah bantuk an si ve lai.

NAMBAR 15:15 Խաչաձեւ Հղումներ

NAMBAR 15:29

Hngalh loin palhnak a tuahmi caah phungbia pakhat lawnglawng nan ngei lai, amah cu Israel mi taktak a si ah siseh, an lak i a pemmi khual a si ah siseh.

NAMBAR 9:14

Cun nan lakah khual pakhat a pem i Bawipa sin lanhtak puai cu a nawlbia le a phunglam ning in ulh a duh ve ahcun, cu bantuk cun tuah ko seh; mipem ca le mah ram mi caah nawlbia pakhat lawng nan ngeih awk a si lai,” tiah a ti.

EXODUS 12:49

Cu phunglam nih cun Israel mi taktak zong kha a nenh hna i nan sin i khua a sami ramdangmi zong kha a nenh hna,” tiah a ti.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

1 SAMUEL 30:25

Cun cu ni thawk in nihin ni tiang Israel mi hna caah mah cucu nawlbia le phunglam ah a ser i nihin tiang a hmun.

NAMBAR 10:8

Cun Aaron fapa, tlangbawi hna nih khan muko cu an tum hna lai. Muko cu nannih caah nan tefa chin tiangin zungzal nawlbia caah an si lai.

LEVITIKAS 24:22

Mipem ca le laikhat caah phungbia pakhat nan ngei lai tiah chim hna; zeitintiah keimah cu Bawipa nan Pathian ka si,” tiah a ti.

EXODUS 12:43

Bawipa nih Moses le Aaron cu a thawh hna i, “Lanhtak Puai tuah ningcang cu hi bantukin a si lai: Ramdangmi ahohmanh nih an ei lai lo,

EXODUS 12:24

Hi phung hi nanmah le nan tefa hna caah a hmunmi phung nan zulh zungzal dingmi a si lai.

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

NAMBAR 18:8

Cun Bawipa nih Aaron cu, “Zoh-hmanh, keimah sin i pekchanhmi thil hna chungin khangh lomi paoh cu nangmah kan pek, Israel mi hna an thil thiang vialte cu; mah thil hna cu na vo ah nangmah kan pek i an hmuh camcin awkah na fapale kha ka pek hna.

NAMBAR 15:14

Cun khual pakhatkhat nih an tlawn hna ah siseh, nan tefa chin tiangin mi pakhatkhat nan sinah a um ah siseh, cu pa nih cun mei in thawinak, Bawipa sin i rimthaw cu, pekchanh a duh ahcun nanmah tuah bangin a tuah ve lai.

EXODUS 28:43

Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.

JOSHUA 8:33

Cun Israel mi vialte cu, mipem he Israel mi chungchuak taktak he, an upa hna le an bawi hna le an biaceihtu hna he tiah, Bawipa biakamnak kuang a putu Levi mi tlangbawi hna hmai kuang hmailei le hnulei ah cun an dir, hnarcheu cu Gerizim Tlang hmaiah, hnarcheu cu Ebal Tlang hmaiah; Bawipa sal Moses nih a thawkterte ah Israel mi cu thluachuah nan pek hna lai, ti i nawl a rak pek hna bang khan.

ESTHER 9:27

Judah mi hna nih cun an fehter i anmah le an tefa hna le anmah a fonhtu vialte hna keng cungah khan an i chonh i hi ni hnih hi pel lo tein, hi ca ṭialning te le a caan khiah ni ah hin kumfate in kan ulh lai, an ti;