NAMBAR 14:31 - Lai (Hakha) Common Language Bible 2006

³¹ Sihmanhsehlaw nan ngakchia hna, annih cu tlaih khih awk men an si lai, nan timi hna kha ka luhpi hna lai i nannih nih zei i nan rel lomi ram kha an umhnawh lai.

NAMBAR 14:31 Խաչաձեւ Հղումներ

DEUTERONOMI 1:39

Cuhleiah nan ngakchia, hranchaw ah an cang lai nan timi hna le, atu ah chia le ṭha a hngal lomi nan fale hna cu, khika ah an lut lai i annih cu ka pek hna lai i annih nih an co lai.

SALM 106:24

Ram nuam kha zeirello in an um i bia a kamhmi hna kha an zum lo;

NAMBAR 26:64

Sihmanhsehlaw mah hna lak ah hin Sinai ramlak i Israel mi a rak reltu hna Moses le tlangbawi Aaron nih an rak relmi hna cu pakhat hmanh an i tel lo.

NAMBAR 26:6

Hezron, Hezron chung hna pa; Karmi, Karmi chung hna pa an si.

NAMBAR 14:3

Zeicahdah Bawipa nih hi ram chungah hin vainam in thih awkah a kan luhpi hnga? Kan nupile hna le kan ngakchia hna hi tlaihkhih awk men an si lai; Izipt ah kir ṭhan u si law, kan caah a ṭha deuh hnga lo maw?” tiah an ti.

LAMKALTU 13:41

‘Nannih mi nihsawh hmangmi hna, Zohhmanh u, nan khuaruahhar u law thi ko u. Zeicahtiah nanmah nan chan hrimhrim ah ka tuahmi rian hi Nannih nih nan zumh lai lomi thil, midang nih a sullam an in chimh hna hmanh ah nan zumh duh lai lomi a si,’ tiah an chimmi bia hi nan cungah tlunter hlah u,” tiah a ti hna.

MATTHAI 22:5

Sihmanhsehlaw a sawmmi hna nih khan zeihmanh ah an rak rel lo i a cheu cu an lo ah an kal, a cheu cu an chawdawr ah an kal,

PHUNGTHLÛKBIA 1:30

Lungthin ka cheuhmi hna kha pakhat hmanh an cohlang duh lo i Ka chimhhrin hnanak cu zeihmanh ah an rel lo.

PHUNGTHLÛKBIA 1:25

Fim kan chimhmi hna vialte kha nan hnon i Kan chimhhrin hnanak vialte cu zeihmanh nan duh lo caah,

GENESIS 25:34

Cun Jakob nih changreu le pehang a pek i a ei a din hnuah a tho i a kal. Fater a sinak kha Esau nih cun zei ah a rel lo.

EZEKIEL 20:18

An fale hna cu ramlak ah khan, nan pale zulhmi nawlbia kha zul hna hlah u, an phunglam zulhmi zong kha zul hlah u, an siasal hna zong khan i thurhhnawmh ve hlah u, tiah nawl ka pek hna.

JOSHUA 5:7

Cucaah Joshua nih an cuarpar a tanmi hna cu anmah can ah Pathian nih a dirhmi an fale hna kha an si; lampi ah cuarpartan lo an rak si caah khan cuarpar tan loin an rak um ko.

NEHEMIAH 9:24

Cucaah an tefa hna cu an lut i ram cu an co i an hmaiah cun cu ram a rak hlumtu Kanaan mi hna kha na tei hna i annih cu an duhduh in an tuah hna nakhnga an kut chungah an siangpahrang hna le cu ram mi hna cu na chanh hna.