NAMBAR 14:19 - Lai (Hakha) Common Language Bible 2006

¹⁹ A fekmi na dawtnak a ngan rup le hi mi hna cu Izipt ram in atu tiang na ngaihthiam hna bangin, hi mi hna an ṭhat lonak hi ngaithiam ko hna,” tiah a ti.

NAMBAR 14:19 Խաչաձեւ Հղումներ

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

JEIM 5:15

Zumhnak in thla an camnak nih khan a zawmi kha a damter lai; Bawipa nih damnak kha a pek ṭhan lai i sualnak a tuahmi kha ngaihthiam a si lai.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

JONAH 3:10

Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.

DANIEL 9:19

Maw Bawipa thei ko, maw Bawipa kan ngaithiam ko, maw Bawipa ngai law tuah ko; Mi vialte nih nangmah cu Pathian na si kha an hngalh naklai, rau sawh hlah. Hi khua le hi mi hna cu nangmah ta an si,” tiah ka ti.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

1 SIANGPAHRANG 8:34

van ah khin rak theihpiak hna law na mi Israel mi sualnak cu ngaithiam ko, cun an pupa hna sinah na rak pekmi ram ah khan kirpi ṭhan ko hna.

EXODUS 33:17

Bawipa nih Moses cu, “Na cungah ka lung a tling i nangmah cu ṭha tein kan hngalh caah, na chim bantuk tein ka tuah lai,” a ti.

SALM 85:2

Na mi hna an sualnak kha na ngaihthiam hna i an palhmi vialte kha na maimilh hna.

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

AMOS 7:2

Ram chung i ram hring kha an ei dih dengmang tikah khin kaa thawh i, “Maw Bawipa Pathian, ngaithiam ko hna. Hi hnuah hin zeitindah Jakob cu a nun khawh ti lai? Zeihmanh a tuah khomi a si fawn lo,” tiah ka ti.

AMOS 7:5

Cun kei nih kaa thawh i, “Maw Bawipa Pathian, Ngol ko tuah, tiah kan nawl; Hi hnuah hin Jakob nih zeidah a tuah kun lai? Amah cu a hme tuk hringhran fawn,” tiah ka ti.