NAMBAR 14:16 - Lai (Hakha) Common Language Bible 2006

¹⁶ ‘Bawipa nih hi mi hna hi chiatser tein a kamhmi hna ram ah khan a luhpi khawh hna lo caah ramcar chungah a thah hna,’ an ti lai.

NAMBAR 14:16 Խաչաձեւ Հղումներ

DEUTERONOMI 9:28

cu ti a si lo ahcun na kan chuahpinak ram nih khan, “Bawipa nih a kamhmi hna ram ah a luhpi khawh hna lo ca le a huat hna caah, ramlak i thah hna awkah a chuahpi hna,” tiah a ti sual hnga.

JOSHUA 7:9

Zeitintiah Kanaan mi hna le hi ram chung i a ummi vialte nih an theih lai i an kan kulh lai i vawlei cung hin kan min an hloh lai; na min lianngan cu zeidah na tuahpiak lai?” tiah a ti.

JOSHUA 7:7

Cun Joshua nih, “Aize, maw Bawipa Pathian, kannih cu hrawh awk men i Amor mi kut chung i pek awkah zeicahdah hi mi hna cu Jordan tiva ral ah na kalpi hna? Jordan tiva ral i khua rak sak kha kan lung rak tling ko seh law mu!

NAMBAR 14:17

Cucaah Bawipa, nangmah nih, ‘Bawipa cu a thin a fual i a fekmi dawtnak tampi a ngei, ṭhat lonak le phung buarnak cu a ngaihthiam khawh, sihmanhsehlaw a sualmi cu zei ti hmanh in a luatter men lai lo; an pale ṭhat lonak cu an fale cungah a tlunter lai, chan thum chan li tiangin,’ ti i bia na rak kamnak a lianhngan tluk khan na ṭhawnnak cu lianngan ko seh tiah kan nawl.

EXODUS 32:12

Zeicahdah Izipt mi nih khan, ‘A chuahpi hna kha tinhmi ṭhalo ngei in pei a si hrim kha, tlang cung i va thah hna awk le an dihlak in hloh cikcek duh ah pei a chuahpi ko hna cu,’ ti khawhnak an ngeih lai? A alh in a alhmi na thinhunnak cu i sum ko law na lung cu thleng law hi rawhnak cu na mi hna cungah cun tlunter sawh hlah.