NAMBAR 14:14 - Lai (Hakha) Common Language Bible 2006

¹⁴ zeitintiah hi miphun hi annih lakin na chuahpimi an si. Annih nih, maw Bawipa, nang cu hi hna lakah na um kha an theih; zeitintiah maw Bawipa, nang cu hmaitonh tein an in hmuh i na minmei nih an cungah a dir i nangmah nih an hmaiah na kal, chun ah minmei tung in, cun zan ah mei alh tung in.

NAMBAR 14:14 Խաչաձեւ Հղումներ

EXODUS 15:14

Miphun dang nih khan cucu an theih i a ther in an ther; nau nganfah bantuk a simi ṭihnak nih Filistin mi cu a tlaih hna.

DEUTERONOMI 5:4

Bawipa nih hmaitonh tein tlang ah khan mei chungin an chawnh hna,

EXODUS 33:11

Minung nih a minung hawi bia a ruah bantukte khin Bawipa nih Moses cu hmaitonh tein bia a ruah. Cu hnuah cun Moses cu riahhmun ah khan a kir tawn. Asinain a sal Joshua, Nun fapa kha cu thlam kha a kaltak lo.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

SALM 78:14

Chun ah khuadawm in a hruai hna i zan ah mei ceu in a hruai hna.

NEHEMIAH 9:19

na zaangfahnak a ngan ruangah ramlak ah khan na hlaw ta hna lo; lam a hruaitu hna minmei tung nih khan chun ah a kaltak hna lo i annih kalnak ding lam a ceuhtu mei alh tung nih khan zan ah a kaltak hna lo.

NEHEMIAH 9:12

Chun ah minmei tung in na hruai hna i zan ah an kalnak lam ceuhpiaktu dingah mei alh tung in na hruai hna.

JOSHUA 5:1

Jordan khattelei ral nitlaklei i a ummi Amor mi hna siangpahrang vialte le rili pawngah a ummi Kanaan mi siangpahrang vialte nih Israel mi caah an tan dih hlantiang Jordan tiva ti cu Bawipa nih a kaoter tiah an theih tikah, Israel mi hna ruangah cun an thin a phang i an chungah thlarau zeihmanh a um ti lo.

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

NAMBAR 10:34

Cun Bawipa minmei cu, an riahhmun in an i thawh fate chun ah annih cungah a um.

EXODUS 40:38

Pathian an sin i a um hmelchunhnak minmei cu, chun ah Pathian umnak thlam cungah khan a um i zan ah minmei chungah khan mei alh a um; cucu Israel mi nih riahhmun pakhat in pakhat ah an i thawn lengmang ah khan an hmuh zungzal.

GENESIS 32:30

Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

JOHAN 14:9

Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti?

SALM 105:39

A mi hna cungah cun khuadawm a zar i zan ah ceunak petu dingah mei a pek hna.

DEUTERONOMI 34:10

Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

EXODUS 33:16

A ngaingai ti ahcun, kan sin i na kal lo ahcun, na mi hna le keimah cungah Bawipa cu na lung a si ti kha mi nih zeiti hlei in dah an hngalh khawh lai? Nangmah nih na kan kalpi a si ahcun, na mi hna le keimah cu vawleicung midang vialte nakin na kan dawt khun a si lai,” a ti.

DEUTERONOMI 1:19

“Bawipa kan Pathian nih nawl a kan pek bang khan Horeb in kan tho i, Amor mi hna tlangram i hung kalnak lam i nan hmuhmi a kau le ṭih a nungmi ramlak kha kan tan i, Kadesh-Barnea kha kan phan.

DEUTERONOMI 5:24

cun nannih nih, ‘Zohhmanh, Bawipa kan Pathian nih a sunparnak le lianngannak kha a kan hmuhsak cang i a aw cu mei chungin kan theih cang; nihin ni ah hin Pathian nih minung he bia aa ruah nain minung nih a nun ko kha kan hmuh.