NAMBAR 13:28 - Lai (Hakha) Common Language Bible 2006

²⁸ Asinain cuka ram i a ummi hna cu an ṭhawng i an khua hna cu kulhmi an si i an ngan ngaingai; cun cu hleiah Anak tefa hna kha cu ka ah cun kan hmuh hna.

NAMBAR 13:28 Խաչաձեւ Հղումներ

DEUTERONOMI 1:28

Khuazeika ah cun dah kan hung kal lai? Kan unau hna nih, “Cu mi hna cu kanmah nakin an ngan deuh i an sang deuh; khua hna cu an ngan i an kulhnak hau hna cu van an tawng; cuhleiah Anak tefa hna zong kha khika ah cun kan hmuh fawn hna,” tiin kan lung kha an kan zorter,’ tiah nan ti.

JOSHUA 11:22

Israel mi ram chungah Anak mi cu pakhat hmanh an tang lo; Gaza le Gath le Ashdod lawngah tlawmpal an tang.

NAMBAR 13:33

Cuka ah cun Nefilim mi (Nefilim in a chuakmi Anak fapa hna kha) kan hmuh hna i kanmah le kanmah cu khaubawk bantuk ceo ah khin kan i hmu i annih sin zongah cu bantuk cu kan si ko,” tiah an ti.

JOSHUA 15:14

Cun Kaleb nih khika in Anak fapa pathum, Sheshai, Ahimah, le Talmai, Anak tefa hna cu, a dawi hna.

DEUTERONOMI 3:5

Mah khua vialte hna hi, hau a ngei lomi khuate tampi hna hleiah hau sang pipi in kulhmi le kutka le hrenhnak a ngeimi an si.

DEUTERONOMI 2:21

Cu hna cu Anak mi hna bantukin mi ngan, mi tam, le mi sang pipi an si. Sihmanhsehlaw Bawipa nih annih hmaiah a hrawh hna i an pawnchuah hna i an umnak kha an rawlh hna;

BIACEIHTU 1:20

Cun Moses nih a rak chim bang khan Hebron cu Kaleb an pek i Anak fapa pathum hna kha, cu ka cun a dawi hna.

2 SAMUEL 21:16

Cun mi ngan tefa a simi Ishbibenob, a fei dar shekel za thum a rit i vainam thar aa beimi nih khan David cu thah a timh.

JOSHUA 14:12

Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei ṭhawl khawh ko hna hnga dah kaw,” tiah a ti.