NAMBAR 13:27 - Lai (Hakha) Common Language Bible 2006

²⁷ Cun annih nih amah cu, “Na kan thlahnak ram cu kan va phan; cawhnuk le khuaihliti in a luang i mah hihi a theitlai cu an si.

NAMBAR 13:27 Խաչաձեւ Հղումներ

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

EXODUS 13:5

Kanaan mi le Hit mi le Amor mi le Hiv mi le Jabus mi an umnak ram kha nanmah pek awkah Bawipa nih nan pupa cu fek tein bia a rak kamh hna. Cu ram cu ram rum le ram ṭha a si. Cu ram chung an phakpi hna tikah hi thla ṭhiamṭhiam ah hin hi phunglam hi nan ulh lai.

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

DEUTERONOMI 27:3

cun Bawipa nan pupa hna Pathian nih an kam hna bangin, Bawipa nan Pathian nih an pekmi hna ram, cawhnuk le khuaihliti in a luangmi ram i luh awkah nannih nih nan tan tikah, an cungah hi phungbia vialte kha nan ṭial hna lai.

DEUTERONOMI 26:9

Cun hi hmun ah hin a kan luhpi i hi ram, cawhnuk le khuaihliti in a luangmi hi, a kan pek.

DEUTERONOMI 11:9

Bawipa nih nan pupa hna sinah anmah le an tefa hna sinah pek awkin chiat a sermi ram, cawhnuk le khuaihliti in a luangmi ram ah cun, saupi nan um nakhnga.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

NAMBAR 14:8

Bawipa cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko.

EZEKIEL 20:15

“Cuhleiah, ramlak ah cun kut hler in ka chimh hna i kan pekmi hna ram, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai lo, tiah chiatser in ka ti hna.

EZEKIEL 20:6

Khi ni ah khan kut hler in chiat ka ser i Izipt ram in kan chuahpi hna lai i nan caah ka thimmi, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai, ka ti.

JEREMIAH 32:22

Cun an pupa hna sinah chiatser in na kammi hi ram, khuaihliti le cawhnuk in a luangmi ram hi annih cu na pek hna.

JEREMIAH 11:5

Cuticun nan pupa hna sinah, cawhnuk le khuaihliti in a luangmi ram kan pek hna lai, ti in bia ka rak kammi kha, ka tlinter lai; cu ram cu atu i nan comi ram hi a si, tiah a ti, tiin. Cun kei nih ka leh i, “Cu bantuk cun si ko seh Bawipa,” tiah ka ti.

JOSHUA 5:6

Bawipa aw kha an rak ngaih lo caah, an phun ningin, Izipt ram in a chuakmi ralkap vialte, an rawh dih hlantiang, Israel mi hna cu ramlak ah khan kum sawm li an rak vai; kannih pek awkah Bawipa nih kan pupa hna sinah chiat a sermi, cawhnuk le khuaihliti in a luangmi ram kha annih nih hmu lo dingin annih sinah Bawipa nih chiat a ser.

LEVITIKAS 20:24

Sihmanhsehlaw nannih sinah cun, ‘An ram cu nan co lai i nan co awkah kan pek hna lai, cawhnuk le khuaihliti in a luangmi ram cu,’ tiah ka ti. Keimah hi Bawipa nan Pathian, mi hna sinin an thleidangtu hna cu ka si.

NAMBAR 14:7

Israel mibu ningpi sinah khan, “Ngiatthlai awkah kan hung ṭolmi ram cu ram ṭha hringhran a si ko.

NAMBAR 16:14

Cu hleiah cawhnuk le khuaihliti in a luangmi ram ah na kan luhpi fawn ṭung lo, mitsur dum zong ro caah na kan pe fawn lo. Mah mi hna hi an mit na khoih hna lai maw? Kan hung lai lo” tiah an ti.

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

NAMBAR 16:13

Ramcar chung i kannih kha thah awkah cawhnuk le khuaihliti in a luangmi ram in na kan chuahpi hi, thil hme tuai a si maw, kannih cung i bawi i naa ser zong hi?