NAMBAR 13:26 - Lai (Hakha) Common Language Bible 2006

²⁶ Cun Paran ramlak i Kadesh ah cun Moses le Aaron le Israel mibu vialte sinah khan an ra phan i, an sin le zapi vialte sinah bia an rak phorh i cu ram theitlai cu an hmuhsak hna.

NAMBAR 13:26 Խաչաձեւ Հղումներ

NAMBAR 32:8

Hi bantuk ṭhiamṭhiam hin nan pale nih khan an rak tuah, ram va zoh awkah Kadesh-barnea in ka thlah tik hna ah khan.

NAMBAR 20:1

Cun Israel mi hna cu, an bu ningin, thla khatnak thla ah Zin ramlak ah an lut i Kadesh ah an um; cu ka ah Miriam cu a thi i cu ka ah cun an vui.

DEUTERONOMI 1:19

“Bawipa kan Pathian nih nawl a kan pek bang khan Horeb in kan tho i, Amor mi hna tlangram i hung kalnak lam i nan hmuhmi a kau le ṭih a nungmi ramlak kha kan tan i, Kadesh-Barnea kha kan phan.

NAMBAR 33:36

Ezion-geber in an tho i Zin ramlak ah an riak (mah cucu Kadesh a si).

NAMBAR 20:16

cun kannih nih Bawipa kha kan auh tikah kan aw kha a theih i vancungmi pakhat a run thlah i Izipt ram in a kan chuahpi; atu cu hika ah hin na ramri i a ummi Kadesh khua ah kan um.

JOSHUA 14:6

Cun Judah phunmi kha Joshua sinah Gilgal ah an ra i Keniz phun Jefunneh fapa Kaleb nih a sinah, “Nangmah le keimah kongah, Bawipa nih Pathian mi Moses sinah Kadesh-barnea ah bia a chimmi kha na hngalh.

GENESIS 14:7

Cun an hun i mer i Kadesh ah khan an hung kir i Amelek mi hna ram vialte le Hazazontamar i a ummi Amor mi kha an tei hna (Kadesh cu Biaceihnak Cerhti ti zongah ti a si).

NAMBAR 13:25

Ni sawm li ram an va ngiatthlai hnuah cun an rung kir.

NAMBAR 20:14

Moses nih Kadesh in Edom siangpahrang sinah lamkal a hei thlah hna i, “Hi bangin nan unau Israel mi nih an ti: Kan cung i vanchiatnak a tlungmi vialte cu na hngalh ko:

DEUTERONOMI 1:2

Horeb in Kadesh-barnea cu Seir Tlang lei in ni hleikhat lam kal a si.

SALM 29:8

A aw nih thetse ram kha a hninh hna, Kadesh thetse ram kha a hninh in a hninh.

NAMBAR 13:3

Cucaah Moses nih Paran ramlak khan Bawipa nawl pek bang khan a thlah hna, an dihlak in Israel mi hna an lu kha an si.

NAMBAR 32:9

Zeitintiah Eshkol Nelrawn ah an hung kal i ram kha an hmuh tikah Israel mi hna cu Bawipa nih a pekmi hna ram chung i luh awk kha an lung an donghter hna.

JOSHUA 14:7

Bawipa sal Moses nih ram cu hung ngiatthlai awkah Kadesh-barnea in a ka thlah tikah kum sawm li ka rak si; cun ka lungchung i a umning bantuk tein bia cu amah cu ka rak phorh ṭhan.