NAMBAR 12:8 - Lai (Hakha) Common Language Bible 2006

⁸ Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

NAMBAR 12:8 Խաչաձեւ Հղումներ

DEUTERONOMI 34:10

Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo.

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

EXODUS 33:23

Cun ka kut kha ka lak lai i ka keng kha na hmuh lai, ka hmai cu na hmu kho lai lo,” a ti.

EXODUS 33:11

Minung nih a minung hawi bia a ruah bantukte khin Bawipa nih Moses cu hmaitonh tein bia a ruah. Cu hnuah cun Moses cu riahhmun ah khan a kir tawn. Asinain a sal Joshua, Nun fapa kha cu thlam kha a kaltak lo.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

2 PETER 2:10

Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a ṭha i an i porhlaw; cunglei van i a ummi hna kha zei ah an rel hna lo; an serhsat lehlam hna.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

SALM 17:15

Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.

JUDAS 1:8

Atu kan caan i a ummi hna zong cu, cu bantuk cu an si ve. An mang nih khan anmah pum lila cungah a sualter hna; Pathian nawlbia kha zei ah rel loin a umter hna i vancungmi kha a serhsatter hna.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

EZEKIEL 20:49

Cun kei nih, “Aa, a si kho lo! Maw Bawipa Pathian, an ka thawh i, ‘Anih tham cu bianabia lawng pei a chim lengmang ko cu,’ an ka ti,” tiah ka au.

EZEKIEL 17:2

“Mipa, Israel mi cu tahchunhnak bia le tuanbia in chim hna,” a ka ti.

ISAIAH 46:5

“Aho he dah nan ka tahchunh lai?” tiah Bawipa nih a ti. Keimah bantuk aho tal a dang an um maw?

ISAIAH 40:18

Pathian cu aho he dah na tahchunh khawh lai? Zeidah a lawh ti kha zeitindah na chimh khawh lai?

SALM 49:4

Bia thuk kha ka ruat hna lai i tingtang tum pah in a sullam kha ka fianter hna lai.

DEUTERONOMI 4:15

“Cucaah ṭha tein i ralring tuah u. Bawipa nih Horeb ah mei chungin an chawnh hna ni ah khan a mui zeihmanh nan hmuh lo caah,

EXODUS 20:4

“Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo.

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

NAMBAR 14:14

zeitintiah hi miphun hi annih lakin na chuahpimi an si. Annih nih, maw Bawipa, nang cu hi hna lakah na um kha an theih; zeitintiah maw Bawipa, nang cu hmaitonh tein an in hmuh i na minmei nih an cungah a dir i nangmah nih an hmaiah na kal, chun ah minmei tung in, cun zan ah mei alh tung in.

EXODUS 34:30

Aaron le mi vialte nih khan Moses cu an rak zoh i a hmai a ceu kha an hmuh tikah an naih ngam lo.

EXODUS 33:19

Bawipa nih cun, “Kaa dawhnak vialte kha na hmai in ka lanhter duahmah hna lai i na theih hngan hrimhrim ah ka min cu Bawipa a si ti kha ka chim lai. Zaangfah ka duhmi kha ka zaangfah hna lai i vel ngeih ka duhmi kha vel ka ngeih ko hna lai,” a ti.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

GENESIS 32:30

Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

DEUTERONOMI 5:8

“ ‘Nangmah caah serchommi siasal, cunglei van i a ummi thil a lomi siseh, tanglei vawlei i a ummi thil a lomi siseh, vawlei toi i a ummi ti chung i a ummi thil a lomi siseh, na ser lai lo;

PHUNGTHLÛKBIA 1:6

Phungthluk bia hna le tahchunhnak bia hna le Mifim mi hna an bia le an biahar kha an hngalh khawh hna lai.

HOSEA 12:13

Bawipa nih Israel mi kha Izipt ram chung i sal i an cannak in chuah awkah profet pakhat kha a thlah; Cun profet pakhat in a zohkhenh hna.

EXODUS 19:19

Tuukawng ki muko thawng cu a thang chin lengmang. Moses nih cun bia a chim i Pathian nih khuari in a run leh.

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

DEUTERONOMI 18:15

“Nannih lakin, nan unau hna chungin, Bawipa nan Pathian nih nan caah profet pakhat keimah bantuk a chuahter lai i amah cu a bia nan ngaih lai,