NAMBAR 12:2 - Lai (Hakha) Common Language Bible 2006

² Annih nih, “Moses sin lawng in maw Bawipa nih bia a chim? Kanmah sin zongin a chim ve lo maw?” tiah an ti. Mah cucu Bawipa nih a theih.

NAMBAR 12:2 Խաչաձեւ Հղումներ

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

FILIPI 2:14

Zei rian nan ṭuan hmanh ah, phunzai lengmang lo le bia i al lengmang loin ṭuan u.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

MIKAH 6:4

Izipt ram in kan chuahpi hna, sal cannak ram in kan tlanh hna; Nanmah hruai awkah Moses le Aaron le Miriam kha ka thlah hna.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

NAMBAR 11:1

Cun mi hna nih cun Bawipa theih ah sifah retheih an innak ruangah khan an zai; mah cucu Bawipa nih a theih tikah a thinhunnak cu a alh i Bawipa mei cu annih lakah a kang i riahhmun kikam i a ummi riahbuk a cheu khat hna cu an kang dih.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

2 SAMUEL 11:27

Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.

NAMBAR 11:29

Sihmanhsehlaw Moses nih anih cu, “Keimah ca lawngin dah ra na ruah hi? Bawipa mi vialte hi profet si dih in, annih cungah Bawipa nih a thlarau chia seh law ka hei tinak lakah cun!” tiah a ti.

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

PHUNGTHLÛKBIA 13:10

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

EXODUS 7:10

Moses le Aaron cu Faro sinah khan an va kal i Bawipa nih a fial hna bang khan an va tuah. Aaron nih khan a ṭhiangṭhunh cu Faro hmaiah khan a hlonh i rul ah aa cang.

EXODUS 5:1

Moses le Aaron cu Faro sinah khan an va kal i Faro cu, “Bawipa, Israel Pathian nih, ‘Ka mi hna cu, thetse ram ah biaknak puai an tuah khawh nakhnga, kalter hna seh,’ aan ti,” tiah an ti.

GENESIS 29:33

Fa a pawi ṭhan i a dang fapa a hrin ṭhan. “Kei cu dawt lomi ka si kha Bawipa nih a theih caah hi fapa hi a ka pek ṭhan,” a ti i cucaah a min ah Simeon a sak.

EXODUS 4:30

Aaron nih cun, Pathian nih Moses a chimhmi vialte kha a chimh hna i khuaruahharmi thil vialte kha mi zapi hmaiah cun a ser hna.

NAMBAR 12:3

Moses cu vawleicung mi vialte lakah lungnem bik a si.

EXODUS 4:14

Bawipa cu Moses cungah khan a thin a hung i, “Levi mi na u Aaron kha a um a si lo mei? Amah cu bia chim a thiam ngaingaimi a si kha ka hngalh. Atu hi nangmah don awkah a ra lio i nangmah kha hmuh an duh ngaingai.