NAMBAR 11:31 - Lai (Hakha) Common Language Bible 2006

³¹ Cun Bawipa sinin thli a hrang i rili in nimte kha a ratpi hna i riahhmun pawngah cun a tlakter hna, hika leiah ni khat kal tluk, khika lei ah ni khat kal tluk, riahhmun cu a velchum in, vawlei ah dong hnih tluk chah in a tlakter hna.

NAMBAR 11:31 Խաչաձեւ Հղումներ

EXODUS 16:13

Zanlei ah nimte an ra ciammam i an riahnak hmun kha an khat dih, cun zinglei ah an riahnak hmun velchum ah cun dap a um.

SALM 105:40

An hal i nimte a pek hna, vancung in rawl khim tein a pek hna.

SALM 135:7

Vanhramdeng in khuadawm kha a ratpi hna, thlichia chungin ṭek kha a chuahter i a thil khonnak inn chungin thli kha a chuahter.

EXODUS 15:10

Sihmanhsehlaw na thaw voi khat na chuah i rili nih a khuh hna; ṭih a nungmi ti chungah khan suan bantukin an tla.

EXODUS 10:19

Bawipa nih thlitu cu nitlaklei kap in ṭhawng ngaiin a hranter i khaubawk cu a choih hna i Rili Sen ah khan a thlak dih hna. Izipt ram chung a dihlak ah khaubawk pakhat hmanh an tang lo.

EXODUS 10:13

Cun Moses nih a ṭhiangṭhunh cu a hler i Bawipa nih nichuahlei in thli kha cu ram cungah cun chun nitlak le zan khuadei a hranter. Zinglei ah cun khaubawk kha thli nih cun a chuahpi hna.

NAMBAR 11:30

Cun Moses le Israel upa hna cu riahhmun ah an kir.

SALM 106:15

cucaah an halmi kha a pek hna i asinain rai ṭhalo kha an cungah a tlunter.