NAMBAR 11:28 - Lai (Hakha) Common Language Bible 2006

²⁸ Nun fapa Joshua, a tlanval lio in Moses rian a ṭuantu nih khan, “Ka bawipa Moses, thlauh hna,” tiah a ti.

NAMBAR 11:28 Խաչաձեւ Հղումներ

JOHAN 3:26

Cucaah Johan sinah khan an va kal i, “Saya, Jordan tiva ral i na sin i a rak ummi pa kha na hngalh a si lo mei? A kong nangmah nih na rak chimmi pa kha. Kha pa kha atu hi tipilnak a pe ve hna i mi kip nih an fuh,” tiah an chimh.

JOSHUA 1:1

Bawipa sal Moses thih hnuah, Moses rianṭuantu Joshua, Nun fapa cu, Bawipa nih a chawnh i,

EXODUS 33:11

Minung nih a minung hawi bia a ruah bantukte khin Bawipa nih Moses cu hmaitonh tein bia a ruah. Cu hnuah cun Moses cu riahhmun ah khan a kir tawn. Asinain a sal Joshua, Nun fapa kha cu thlam kha a kaltak lo.

EXODUS 17:9

Moses nih Joshua kha a thawh i, “Mi tlawmpal in i hril hna law thaizing ah Amalek mi kha va do hna u. Kei tu cu tlangpar ah khan ka dir lai i Pathian nih a ka pekmi ṭhiangṭhunh kha ka hler lai,” a ti.

NAMBAR 11:27

Tlangval pakhat nih a va tli i Moses kha, “Eldad le Medad nih riahhmun chungah bia an chim cuahmah ko,” tiah a chimh.

EXODUS 24:13

Moses cu a sal Joshua he khan an i tim i Pathian tlang ah cun an hung kai.

1 CHANRELNAK 7:27

cu fapa cu Nun, cu fapa cu Joshua.