NAMBAR 11:25 - Lai (Hakha) Common Language Bible 2006

²⁵ Cu tikah Bawipa cu minmei khan a rung ṭum i amah cu a chawnh i amah cung i a ummi thlarau kha tlawmpal in a lak i upa sawm sarih cungah khan a chiah; cun thlarau nih annih cungah a um tikah annih nih bia an chim cukmak. Sihmanhsehlaw cu bantuk cun an tuah ṭhan ti lo.

NAMBAR 11:25 Խաչաձեւ Հղումներ

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

1 SAMUEL 10:10

Gibeah kha an phak tikah, zohhmanh, profet bu khat nih an rak ton; cu Pathian thlarau cu ṭhawng ngaiin a cungah a tlung i an lakah a holh cukmak len ve ko.

NAMBAR 12:5

Cun Bawipa cu minmei tung in a rung ṭum i thlam innka ah cun a dir i, Aaron le Miriam kha a kawh hna i an pahnih in hmailei ah an ra.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

1 KORIN 14:32

Pathian bia chimnak caah Pathian nih an pekmi hna laksawng cu a chimtu nih khan a uk awk a si,

LAMKALTU 11:28

an lak i pakhat a min Agabas an timi kha a dir i vawleicung dihlak ah mangṭam a fak ngaimi a tlung lai, tiah Thlarau ṭhawnnak thawngin, a rak chimchung. (Cu mangṭam cu Klaudias siangpahrang a si lioah khan a tlung).

SALM 99:7

Khuadawm tom chungin a chawnh hna, a pekmi hna nawlbia le phunglam kha an zulh.

EXODUS 40:38

Pathian an sin i a um hmelchunhnak minmei cu, chun ah Pathian umnak thlam cungah khan a um i zan ah minmei chungah khan mei alh a um; cucu Israel mi nih riahhmun pakhat in pakhat ah an i thawn lengmang ah khan an hmuh zungzal.

EXODUS 34:5

Bawipa cu khuadawm in a rung ṭum i a sinah cun a rung dir i ka min cu Bawipa a si, tiah a ti.

NAMBAR 27:18

Cun Bawipa nih Moses cu, “Nun fapa Joshua, ruahnak a ngei ngaingaimi kha, la law, a cungah na kut chuang tuah;

BIACEIHTU 3:10

Bawipa thlarau cu a cungah a tlung i Israel cu bia a ceih hna; raldoh awkah khan aa thawh i Mesopotamia siangpahrang Kushan-rishathaim kha Bawipa nih a kut chungah a pek; Kushan-rishathaim kha a tei.

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

EZEKIEL 8:11

An hmaiah cun Israel mi upa sawm sarih an dir i an laifang ah cun Safan fapa Jaazaniah kha a dir, pakhat nih zihmui kheng pakhat cio an i put i cu kheng chung cun rimhmui khu an chuak.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

NAMBAR 16:25

Cun Moses cu a tho i Dathan le Abiram sinah a kal i Israel mi upa hna nih khan an zulh.

NAMBAR 24:2

Cun Balaam nih khua a hei zoh i Israel mi cu an hrin an hrinning cio in riahhmun an khuar kha a hmuh hna. Pathian thlarau nih a cungah a rung i,

NEHEMIAH 9:20

Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.