NAMBAR 11:22 - Lai (Hakha) Common Language Bible 2006

²² Tuu runrun le caw runrun maw an i zat awkah thahpiak an si lai? Asiloah, rili chung nga vialte maw an i zat awkah pumhpiak an si lai?” tiah a ti.

NAMBAR 11:22 Խաչաձեւ Հղումներ

MATTHAI 15:33

A zultu nih cun an thawh i, “Hi ramcar ah hin, zeitindah minung hi zat pek awk rawl cu kan hmuh khawh lai?” an ti.

2 SIANGPAHRANG 7:2

Cun siangpahrang nih a kut aa hngatchanmi ralbawi nih khan Pathian mi cu a thawh i, “Bawipa hrimhrim hmanh nih van ah khin thlalangawng hna a ser hmanh ah, mah thil hi a si kho hnga maw?” tiah a ti. Sihmanhsehlaw anih nih, “Na mit hrimhrim in na hmuh lai, sihmanhsehlaw a ei cu na ei lai lo” tiah a ti.

JOHAN 6:9

“Hika ah hin barli changreu hlum nga le nga pahnih a ngeimi ngakchiapa pakhat a um, asinain cu tham cu mi hi vialte caah cun zei cang dah a kal hnga,” tiah a ti.

LUKA 1:34

Mary nih vancungmi cu a thawh i, “Ngaknu thiang ka si ṭung, zeitindah hihi cu a si khawh lai?” tiah a ti.

LUKA 1:18

Zekhariah nih vancungmi cu a thawh i, “Cucu a si kho lai tiah zeitindah ka zumh khawh lai? Zeicahtiah kei cu ka tar cang i ka nupi zong a tar ve fawn,” tiah a ti.

MARKA 8:4

A zultu nih cun an thawh i, “Hi ramlak ah hin aho nih dah minung hi zat cu rawl a pek khawh hna lai?” an ti.

MARKA 6:37

Jesuh nih cun a thawh hna i, “Nanmah nih ta ei awk cu nan pek hna,” tiah a ti hna. Annih nih, “A si ahcun, ngun tangka za hnih in rawl va cawk i anmah kha pek maw, na kan duhmi cu a si?” an ti.

NAMBAR 11:13

Hi mi vialte pek awkah hin khuazei in dah sa cu ka hmuh lai? Zeitintiah an ka ṭahhnawh i, ‘Kan ei awk caah sa kan pe,’ tiah an ti.

NAMBAR 11:21

Sihmanhsehlaw Moses nih, “Keimah zong kaa tel venak mi hna hi, ke kal lawngte hmanh sing ruk an si; cun nang nih, ‘Sa ka pek hna lai, thla khat pumte an ei lai,’ tiah na ti.

NAMBAR 11:23

Cun Bawipa nih Moses sinah cun, “Bawipa kut cu a tawi hlah maw? Nannih ca i ka bia bangin a tlin le tlin lo cu na hmuh ko lai,” tiah a ti.