NAMBAR 11:17 - Lai (Hakha) Common Language Bible 2006

¹⁷ Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

NAMBAR 11:17 Խաչաձեւ Հղումներ

1 SAMUEL 10:6

Cun Bawipa thlarau cu na cungah ṭhawng ngaiin a tlung lai i nang zong an lakah na holh cukmak ve lai i midang ah naa cang lai.

NAMBAR 11:25

Cu tikah Bawipa cu minmei khan a rung ṭum i amah cu a chawnh i amah cung i a ummi thlarau kha tlawmpal in a lak i upa sawm sarih cungah khan a chiah; cun thlarau nih annih cungah a um tikah annih nih bia an chim cukmak. Sihmanhsehlaw cu bantuk cun an tuah ṭhan ti lo.

1 KORIN 2:12

Kannih kan hmuhmi thlarau cu hi vawlei thlarau hi a si lo, Pathian nih a kan pekmi vialte cu kan hngalh khawh nakhnga, Pathian nih a run thlahmi Thlarau cu kan hmuh cang.

2 SIANGPAHRANG 2:9

An tan dih tikah Elijah nih Elisha cu, “Nangmah sinin lak ka si hlan ah hin zeidah kan tuahpiak lai, ka hal tuah,” tiah a ti. Cun Elisha nih, “Na thlarau hi a let hnih in ka coter tuah tiah kan nawl,” a ti.

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

ROM 8:9

Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

NEHEMIAH 9:20

Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.

EXODUS 18:22

Annih nih biaceihtu an si tikah zungzal ca in an si lai. Bia har deuhdeuh kha na sinah an chuahpi lai, asinain a hme deuh pawl kha cu anmah nih an ceih lai. Cu nih cun na caah rian kha a fawiter deuh lai i na thilrit kha an in chan lai.

JUDAS 1:19

Hi hna cu ṭhennak a chuahtertu, an pumsa duhnak nih a ukmi, Thlarau a ngei lomi an si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

NAMBAR 12:5

Cun Bawipa cu minmei tung in a rung ṭum i thlam innka ah cun a dir i, Aaron le Miriam kha a kawh hna i an pahnih in hmailei ah an ra.

EXODUS 19:20

Bawipa cu Sinai Tlang par ah cun a rung ṭum. Moses cu tlangpar ah cun hung tuah tiah a run kawh i Moses cu a hung kai.

GENESIS 11:5

Cun hi mi hna nih khuapi an sermi le innsang an sakmi zoh awkah khan Bawipa cu a rung ṭum i

JOHAN 7:39

Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.

JOHAN 3:13

Vancung in a rung ṭummi Mi Fapa dah ti lo cu ahohmanh vancung i a kaimi an um bal lo.”

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

NAMBAR 27:18

Cun Bawipa nih Moses cu, “Nun fapa Joshua, ruahnak a ngei ngaingaimi kha, la law, a cungah na kut chuang tuah;

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

EXODUS 34:5

Bawipa cu khuadawm in a rung ṭum i a sinah cun a rung dir i ka min cu Bawipa a si, tiah a ti.

EXODUS 19:11

kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

GENESIS 18:33

Abraham he bia an i ruah dih cun, Bawipa cu a kal i Abraham zong cu inn ah a ṭin.

GENESIS 17:22

Pathian le Abraham cu an i chawnh dih in Pathian nih cun Abraham cu a kaltak.

GENESIS 17:3

Cun Abram cu a khuk aa bil i a bawh lioah Pathian nih cun,

EXODUS 18:18

Nangmah zong na ba tuk lai, na sin i a ummi zong an ba tuk lai. Hi rian hi na caah a tam tuk, nangmah lawngin na tuah kho lai lo.

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.