NAMBAR 10:29 - Lai (Hakha) Common Language Bible 2006

²⁹ Cun Moses pu Hobab, Midian miphun Reuel i a fapa sinah khan Moses nih, “Bawipa nih, ‘Kan pek hna lai,’ a timi hmun i kal awkah kan i thawh; kan sinah ra law, ṭhatnak kan in tuah lai; zeitintiah Bawipa nih Israel kha ṭhatnak a kamh,” tiah a ti.

NAMBAR 10:29 Խաչաձեւ Հղումներ

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

BIACEIHTU 4:11

Ken mi Heber cu Moses pu Hobab i tefa Ken mi hna sin khan aa ṭhen i Kedesh pawng Zaanannim ram i a ummi kuhthing hmun tiangin a puan thlam cu a va bunh.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

EXODUS 2:18

An pa Reuel sin i an va tlun tikah a rak thawh hna i, “Zeitindah nihin cu tuante ah nan tlun khawh?” a rak ti hna.

GENESIS 32:12

‘Na caah thil cu tluang tein ka umter ko hna lai i tefa kan pek lai i an tam tuk ah a rel in rel cawk an si lai lo, rili kam thetse zat khi an si lai,’ tiin bia na ka kammi kha philh sawh hlah,” a ti.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

LAMKALTU 7:5

Cu lioah cun hi ram hi a pelpawite hmanh Abraham cu a rak pe lo, pe khat taktak hmanh a rak pe lo; sihmanhsehlaw Pathian nih bia a kam i hi ram hi nangmah kan pek lai i nangmah le na hnu i a rung um ding na tefa hna ta a si lai, tiah a ti. Cu biakamnak Pathian nih a rak pek lioah hin Abraham cu fa zeihmanh a ngei lo.

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

SALM 34:8

Bawipa hi zeitluk in dah a ṭhat ti kha nanmah tein va kawl cio hmanh u, amah chungah him tein a ummi cu a lung aa lawm.

1 SAMUEL 15:6

Cun Saul nih Ken mi hna cu, “Kal u law, i ṭhen u, Amalek mi hna sinin vung kal u; cu ti a si lo ahcun, anmah sinah kan hrawh chih sual hna lai; zeitintiah Izipt ram in an hung chuah lioah khan nannih nih Israel mi vialte cu nan rak zaangfah hna,” tiah a ti. Cucaah Ken mi hna cu Amalek mi hna sin khan an i ṭhen.

BIACEIHTU 1:16

Cun Moses pu, Ken miphun a simi i a tefa hna kha ungkung khua in Negeb chung i a ummi Arad pawng i a ummi Judah ramlak ah khan Judah mi hna he an hung kal i an lakah cun an hung um.

EXODUS 18:27

Cun Moses nih a pu cu a kalter i amah ram leiah khan a tlung.

EXODUS 18:1

Midian ram tlangbawi Jethro, Moses pu nih khan, Moses le Israel mi hna caah Pathian nih a tuahmi vialte le Bawipa nih Izipt ram in a chuahpi hna ning kha a rak theih.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 13:15

na hmuhmi ram vialte kha nangmah le na tefa cu kan pek hna lai i a zungzal in nan ta a si lai.

EXODUS 6:4

Anmah he khan biakamnak zong ka rak tuah i ramdangmi bantukin khua an rak saknak ram Kanaan ram kha kan pek hna lai, tiah bia ka rak kam hna.

EXODUS 18:12

Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

NAMBAR 10:28

Mah hihi Israel mi hna nih an i thawh tikah an bubu cio in an kalning cu a si.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 30:5

Nannih nih nan co nakhnga, Bawipa nan Pathian nih nan pupa hna i an rak comi ram chungah khan an luhpi hna lai i nan pupa hna nakin rum deuh le tam deuh ah an ser hna lai.

SALM 95:1

Ra u law Bawipa cu thangṭhat u sih. Kannih a kan khamhtu Lungpi cu lunglawmhnak in hla in thangṭhat u sih.

SALM 100:1

Vawlei mi vialte hna, lunglawm in Bawipa cu hla in thangṭhat u!

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

EXODUS 2:21

Cuka um cu Moses nih cun a duh i Reuel nih khan a fanu Zipporah kha nupi ah a pek.