NAMBAR 10:2 - Lai (Hakha) Common Language Bible 2006

² “Ngun muko pahnih in ser tuah; a den in denmi an si lai; mi zapi kawhnak le riahhmun in thawhter hnanak caah na hman lai.

NAMBAR 10:2 Խաչաձեւ Հղումներ

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

ISAIAH 1:13

Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.

SALM 81:3

Thla thar caan le thla lai caan ah, kan puai ah tuu ki cu tum hna u.

EFESA 4:5

Bawipa pakhat lawng a um, zumhnak pakhat lawng a um, tipil innak pakhat lawng a um;

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

SALM 89:15

Hla in nangmah an biami cu milunglawm an si, na zaangfahnak ceunak chung i a ummi cu lunglawmmi an si.

2 CHANRELNAK 5:12

cun Levi mi hlasa pawl vialte, Asaf, Heman le Jeduthun, an fapa hna le an rualchan hna kha puan hmang ṭhia in an i thuam i sumsel le tingtang le thonglawi he biakṭheng in nichuahlei ah khan muko tumtu tlangbawi za khat le pakul hna he khan an dir;)

2 SIANGPAHRANG 12:13

Sihmanhsehlaw Bawipa inn caah cun ngun hmaihum le mei hmihnak le khengkuar le muko le sui umkheng paohpaoh le ngun umkheng paohpaoh cu, Bawipa inn chungah rak putmi tangka in ser a um lo,

NAMBAR 10:7

Sihmanhsehlaw mi zapi cu hmun khat i pumh awk an si tikah na tum lai, asinain ralrinnak cu na tum lai lo.

EXODUS 25:31

“Mei vannak tung pakhat sui thiang in na ser lai. A ke le a tung kha denmi sui in na ser hna lai; cun a ṭamhnak pangpar hna le pangpar kuhkulul tete hna le pangpar sarh tete hna cu, a tungpi he cun i seng cikcek tein na ser hna lai.

EXODUS 25:18

A chin a par veve caah cun a den in denmi sui in cherubim pahnih na ser hna lai i

NAMBAR 10:1

Bawipa nih Moses cu a chawnh i,

JEREMIAH 4:5

Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

JOEL 2:1

Zion ah muko kha tum tuah u, Ka tlang thiang cungah launak thawng kha thanh tuah u; Bawipa cu a phak dengmang cang caah Judah ram chung i a ummi vialte cu ther dih hna seh.