NAMBAR 1:53 - Lai (Hakha) Common Language Bible 2006

⁵³ sihmanhsehlaw Levi mi hna cu hngalhternak puan biakinn velchum ah riahhmun an khuar lai, Israel mi an bu cungah thinhunnak a um nakhnga lo; cun Levi mi nih hngalhternak puan biakinn cu an zohkhenh lai,” a ti.

NAMBAR 1:53 Խաչաձեւ Հղումներ

NAMBAR 16:46

Cun Moses nih Aaron sinah, “Na meilaknak kha i lak law, biakṭheng cung mei kha a chungah chia tuah, zihmui phulh law, zokzok tein mibu sinah kalpi law, annih caah remnak serpiak hna; zeitintiah thinhunnak cu Bawipa sinin a chuak cang i rai kha a tlung cang,” tiah a ti.

1 CHANRELNAK 23:32

Cuticun annih nih tonnak thlam le hmunthiang kha an zohkhenh hna lai i Bawipa inn rian ṭuannak ah khan an unau Aaron fapa hna kha an bawmh hna lai.”

LEVITIKAS 10:6

Cun Moses nih Aaron le a fapa hna Eleazar le Ithamar sinah, “Nan sam i thlah hlah u, nan puan kha thlek hna hlah u, nan thih sual i mibu dihlak cungah thinhunnak a rat sual nakhnga lo; sihmanhsehlaw Bawipa nih a kanghtermi mei kanghnak cu nan unau, Israel chungkhar dihlak nih khan, ṭah hna seh.

NAMBAR 31:47

Israel mi covo a simi hnarcheu chung cun sawm nga ah pakhat lengmang, minung siseh, saṭil siseh, Moses nih a lak hna i Bawipa puan biakinn a zohkhenhtu Levi mi kha Bawipa nih Moses kha nawl a pek bangin a pek hna.

NAMBAR 31:30

Cun Israel mi nih an covo a simi hnarcheu chung khan, minung si hna seh, cawtum si hna seh, tuurun si hna seh, saṭil vialte si hna seh, sawm nga ah pakhat in na lak lai i Bawipa puan biakinn a zohkhenhtu Levi mi kha na pek hna lai,” tiah a ti.

NAMBAR 8:19

Cun Israel mi hna lakin Levi mi hna cu tonnak thlam chung i Israel mi hna ca i rian ṭuan awkah le Israel mi hna ca i remnak ser awkah Aaron le a fapa hna sinah laksawng ah ka pek cang hna, zeicahtiah Israel mi nih hmunthiang pawng i an rat sual zongah Israel mi hna lakah rai a um nakhnga lo,” tiah a ti.

2TIMOTE 4:2

phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna.

JEREMIAH 23:15

Cucaah profet hna kong ah Ralkapbu Bawipa nih, “Annih cu ei awkah anfangkha ka pek hna lai i Din awkah a khami sivai ka pek hna lai; Zeicahtiah Jerusalem profet hna sinin ram dihlak ah Pathian zeirellonak kha a karh cang,” tiah a ti.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

2 CHANRELNAK 13:10

Sihmanhsehlaw kannih tu cu, Bawipa cu kan Pathian a si i amah cu kan hlaw lo. Bawipa rian a ṭuantu ah tlangbawi Aaron fapa hna kha kan ngei hna i an rian a ṭuantu ah Levi mi kha kan ngei hna.

1 SAMUEL 6:19

Cun Bawipa kuang chung kha Beth-shemesh khuami nih an bih caah tlawmpal a thah hna; annih kha mi sawm sarih a thah hna i, Bawipa nih annih kha tampi a thah hna caah an ṭap.

NAMBAR 3:38

Cun puan biakinn hmailei nichuahlei, nichuak hoih tonnak thlam hmailei i riahhmun a khuar hnga ding cu Moses le Aaron le a fapa hna an si lai, Israel mi hna ca i tuah awk a simi paoh, hmunthiang chung i phunglam hna cu anmah rian a si lai; midang ahohmanh a ra naihmi paoh cu thah a si lai.

NAMBAR 1:50

sihmanhsehlaw Levi mi cu hngalhternak puan biakinn le a thilthuam vialte le a chung i a ummi thil vialte zohkhenhtu ah na chiah hna lai; annih nih puan biakinn le a thilthuam vialte an put awk le an zohkhenh awk a si lai i puan biakinn velchum ah cun riah hmun an khuar lai.

NAMBAR 1:54

Cu bangin Israel mi nih an tuah; Bawipa nih Moses nawl a pekmi dihlak bang khan an tuah.

NAMBAR 2:17

“Cun tonnak thlam cu a pok lai, riahhmun hna laifang i Levi mi hna riahhmun he cun; riahhmun an khuar ning te khan an pok lai, anmah le an umnak ning ciote khan, alan pakhat hnu pakhat in.

NAMBAR 3:23

Gershon chung hna cu puan biakinn hnu lei, nitlaklei ah khan riahhmun khuar awk an si lai;

NAMBAR 3:29

Kohath fapa hna cu an chungchung in puan biakinn thlanglei kamah riahhmun an khuar awk a si lai,

NAMBAR 3:35

Merari chung hna an phun lu cu Abihail fapa Zuriel a si; annih cu puan biakinn a chaklei kamah riahhmun khuar awk an si.

NAMBAR 17:7

Cun Moses nih hngalhternak thlam chungah khan Bawipa hmaiah ṭhiangṭhunh cu a chiah hna.

NAMBAR 16:9

Israel Pathian nih nannih cu Israel mibu hna chungin amah sin naih i umter awk, Bawipa puan biakinn chung i rianṭuan awk le aa pummi hmai i dir i an rianṭuan awkah an thleidan hna hi nannih caah a hme tukmi thil maw a si?

2 CHANRELNAK 13:11

Kannih nih cun Bawipa kan Pathian nawlbia kha kan zulh caah Bawipa sinah zinglei fate le zanlei fate khangh thawinak le rim thawmi zihmui kha an pekchanh i sui thiang cabuai cungah khan hun camcinmi changreu kha an hun i zanlei fate sui meivannak tung cu a meiinn kha an alh naklai an zohkhenh; Bawipa nih a kan fialmi kha kan tuah; sihmanhsehlaw nannih nih cun amah cu nan hlawt.