NAHUM 3:7 - Lai (Hakha) Common Language Bible 2006

⁷ Khi tikah nangmah cu aan hmutu vialte nih an in hrial lai i, “Nineveh cu a rawk cang, aho nih dah a hnemh ti lai,” an ti lai. Nangmah hnemtu ah ahodah ka hmuh khawh hna lai?

NAHUM 3:7 Խաչաձեւ Հղումներ

JEREMIAH 15:5

Aho nih dah na cungah zaangfahnak a ngeih lai, Maw Jerusalem? Aho nih dah an in hnemh lai? Zeitindah na ningcang a si, ti hal awkah aho nih dah an in pialhnawh lai i na cungah, ṭhatnak tlung ko seh, an in ti lai?

ISAIAH 51:19

Vanchiatnak thuah hnih nih an in tlak phuat; na ram cu raldohnak nih a hrawh cikcek i na mi cu rawl loin an um. Ahohmanh zaangfahtu na ngei lo.

BIAPHUAN 18:10

Temhnak a inmi kha an ṭih caah a langhlat piin an dir i cuka cun an i thawh i, “Ṭih a hei nung hringhran dah! Mi tuksa a hei pur hringhran dah! Babilon khualipi, khua lianngan le khua ṭhawng! Suimilam pakhat chungah na rawk dih ko!” an ti lai.

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

JEREMIAH 51:9

Khika i a ummi ramdangmi hna nih, “Babilon cu bawmh awk kan i zuam, sihmanhsehlaw a tlai tuk cang. Cucaah ra u law kaltak u si law kan inn cio ah tlung u sih. Pathian nih a ṭhawnnak dihlak in Babilon cu dan a tat cang i a hrawh cikcek cang,” tiah an ti.

NAMBAR 16:34

An ai thawng cun an pawngkam ah a ummi Israel mi vialte hna cu an zam i, “Vawlei nih kannih zong a kan dolh ve sual lai!” tiah an ti.

NAHUM 1:1

Nineveh khua kong bia: Elkosh khuami Nahum nih langhnak a hmuhmi ṭialnak cauk.

JEREMIAH 50:18

Cucaah Ralkapbu Bawipa, Israel Pathian nih hi bangin a ti: Assiria siangpahrang dan ka tat bantukin Babilon siangpahrang le a ram cu dan ka tat lai.

ZEFANIAH 2:13

Cucaah a kut cu chaklei ah samh seh law Assiria cu hrawk seh, Nineveh cu ṭhio seh law ram car bantukin carter seh.