NAHUM 3:19 - Lai (Hakha) Common Language Bible 2006

¹⁹ Na hma cu damh khawh an si lo, naa hliamnak cu thih phu a si; Nangmah na sicannak thawng a rak theimi vialte nih lunglawmhnak in an kut an bengh. A dongh in a dong lomi na puarhrannak nih, a tongh lomi aho tal an um maw?

NAHUM 3:19 Խաչաձեւ Հղումներ

MIKAH 1:9

Samaria cu a hma kha a dam kho ti lo; Judah zong cu bantuk hma cu a ing ve lai; Rawhralnak cu ka mi an umnak Jerusalem khua kutka kha a phan cang.

ṬAHNAK HLA 2:15

A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.

JOB 27:23

A kut a benghhnawh i a umnak hmun kip ah khan therphang in a umter.

JEREMIAH 46:11

Gilead ah hung kal law damnak si hung i lak tuah, Maw Izipt fanu thiang. Nangmah nih si tampi na hneksak lengmang cang i pakpalawng an si dih; Na caah damnak zeihmanh a um lo.

ISAIAH 37:18

Bawipa, kannih nih kan dihlak in, Assiria siangpahrang nih miphun tampi cu a hrawh hna i an ram kha an rawk dih cikcek i

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.

EZEKIEL 25:6

Bawipa Pathian bia cu hihi a si: Nannih nih nan kut nan i bengh i nan ke nan tengh i Israel ram cu lungkhat tein nan serhsat i a cungah nan i hlorh caah,

JEREMIAH 10:22

Ngaihmanh, bia chawkvai pakhat a rung thang, A thawng a ngan chin lengmangmi thawngpang cu chaklei ram in a rung; Judah ram khua hna cu ṭhio awk le cenghngia riahhmun i ser awkah a rami ralkapbu thawng a si.

JEREMIAH 30:12

Hi bia hi Bawipa nih Zion sinah a chimmi a si: Na hma cu damh khawh ding a si ti lo i Tuknak na inmi cu a fak ngaingai ko.

ISAIAH 37:11

Assiria siangpahrang nih hrawh kan i timhmi ram cungah zeitindah kan tuah tawn ti cu na theih ko. Ka luat kho hnga tiah naa ruat dahra?

JONAH 1:2

“Nineveh khualipi ah cun va kal tuah, atu ah va kal law a ṭhat lonak nih khan a cerh in a ka cerh caah va si,” tiah a ti.