MIKAH 6:5 - Lai (Hakha) Common Language Bible 2006

⁵ Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

MIKAH 6:5 Խաչաձեւ Հղումներ

NAMBAR 25:1

Israel nih Shittim ah an um lioah Moab fanu hna he khan hlawh an hlang ṭi.

BIACEIHTU 5:11

Ti toihnak hmun ah hlasatu pawl aw zulh in, Khika ah annih nih Bawipa teinak cu an nolh ṭhan, Israel chung i a khuate mi hna i an teinak cu, an nolh ṭhan. “Cun Bawipa mi hna cu kutka hna leiah cun an vung kal.

JOSHUA 4:19

Thla hmasa bik thla, a ni hra ni ah, mi hna cu Jordan in an hung chuak i Jeriko nichuahlei ramri i a ummi Gilgal ah an riak.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

1JOHAN 1:9

Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.

2 PETER 2:15

Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i

SALM 143:11

Bia na ka kam bang khan ka khamh tuah, Maw Bawipa; na ṭhatnak thawngin ka harnak chung khan ka chuahter ko.

DEUTERONOMI 16:3

Thilnu cawhmi changreu nan ei chih lai lo; thilnu cawh lo changreu, temhinnak changreu he cun ni sarih chung nan ei lai. Izipt ram chungin nan chuah ni kha nan nunchung vialte nan hngalh camcin nakhnga — Izipt ram chung i namhnaw ngaiin nan rak zam kha.

DEUTERONOMI 9:7

Ramlak ah Bawipa na Pathian zeitluk in dah a thin na phawh kha hngal camcin tuah law, philh hlah; Izipt ram in na chuah ni ri in hika hmun na phak tiang, Bawipa cu na ralchanh lengmang ko.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

EFESA 2:11

Chuahkehnak lei in Jentail mi a simi hna, hlanah zei nan rak si kha i philh hlah u — nannih cu Judah mi nih cuarpartanlo an rak in ti hna, anmah cu cuarpartan an rak i ti; cuarpartan ti nih a sawh duhmi cu mi nih an pum cung i an tuahmi kha a si.

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

NAMBAR 31:16

Zohhmanh, hi mi hrimhrim hna hi Balaam fimchimhnak thawng in Peor kongah khan Israel mi cu Bawipa nawl a buartertu an si, cu caah rai kha Bawipa mibu cungah khan a tlung.

NAMBAR 31:8

An thahmi hna lakah Midian mi siangpahrang hna, Evi, Rekem, Zur, Hur, le Reba, zong an i tel; Beor fapa Balaam zong nam in an thah.

NAMBAR 22:41

Cun a thaizing ah Balak nih Balaam cu Bamoth-baal ah a hun kalpi i cuka cun a naih bik i a ummi hna cu a hmuh hna.

SALM 111:4

Bawipa nih thil khuaruahhar a tuahmi hna kha philh loin a kan umter; amah cu mi cungah vel a ngei i zaangfah a thiam.

SALM 71:19

Maw Pathian, na dinnak cu van khi a phan. Thil lianngan tampi na tuah hna, nangmah bantuk ahohmanh an um lo.

SALM 36:10

Nangmah an hngalmi kha daw zungzal ko hna law a dingmi cungah khan ṭhatnak tuah zungzal ko.

1 SAMUEL 12:7

Cucaah dir ṭhep u law, Bawipa hmaiah Bawipa nih nanmah ca le nan pupa hna ca i khamhnak rian a ṭuanmi kha kan ruah tuah hna lai.

NAMBAR 33:49

Jordan tiva kamah cun Beth-jeshimoth in Abel-shittim tiang, Moab nelrawn ah cun an riak.

JOSHUA 2:1

Cun Nun fapa Joshua nih Shittim in a thli tein mi pahnih ram ngiatu ah a thlah hna i, “Va kal u law ram kha va cuan tuah u, Jeriko ko kha,” tiah a ti. Cun an kal i Rahab a min a simi hlawhhlangnu inn ah an lut i khika ah an tlung.

JOSHUA 3:1

Zingka tein Joshua cu a tho i Shittim in Israel mi vialte he an i thawh; cun Jordan kha an phan i an tan hlanah khika ah an riak.

BIACEIHTU 11:25

Nangmah hi, Moab siangpahrang Zippor i a fapa Balak nakin, zei ti tal in na ṭha deuh maw? Amah nih Israel mi hna kha a hnahnawh hna in a do bal hna maw?

ISAIAH 1:27

Bawipa cu a din caah Jerusalem le aa ngaihchihmi paoh cu a khamh hna lai.

NAMBAR 25:2

Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

DEUTERONOMI 23:6

Nan nunchung vialte anmah he i remnak le an rumnak kha zeitikhmanh ah nan kawlpiak hna lai lo.