MIKAH 6:14 - Lai (Hakha) Common Language Bible 2006

¹⁴ A ei cu nan ei lai, sihmanhsehlaw nan khim lai lo, nan rawl a ṭam ṭhiamṭhiam ko lai. Nau nganfahnak cu nan in lai, sihmanhsehlaw fa cu nan hring hna lai lo, Cun nan hrin hna hmanh ah vainam sin tu ah khan ka pek hna lai.

MIKAH 6:14 Խաչաձեւ Հղումներ

HOSEA 4:10

Annih nih an co awk a simi raithawinak sa kha an ei tikah an rawl a ṭam ṭhiamṭhiam ko lai. Tefa ṭha ngeihnak pathian kha an biak, sihmanhsehlaw keimah kha kaltak riangmang in pathian dang kha an zulh hna caah fa an ngei hlei lai lo,” tiah a ti.

HAGGAI 1:6

A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianṭuantu nih khan an ṭuan man an hmuhmi cu zal pem chungah an sanh lengmang ko.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

LEVITIKAS 26:26

Cun nan i rinhcanhmi rawl kha ka chah tikah nu pahra nih changreu rawhnak pakhat ah nan changreu cu nan rawh lai i nan changreu cu a khing thlai tein pek ṭhan nan si lai; cun nan ei lai i nan i khimh lai lo.

HAGGAI 2:16

Rawl pumhmi kha phorh kul a si lai tiah nan ruahmi ah khan phorh hra lawng a rak um; mitsur hang nennak khor umpu sawm nga a um lai tiah nan fuhmi ah, kul lawng a rak um;

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

JEREMIAH 48:44

Ṭihnung chungin a zam khomi kha khor chungah a tla lai, Cun khor chungin a chuak khomi kha rap ah aa foih lai. Hi thil vialte hna hi dantatnak an hmuh kum ah Moab cungah ka tlunter lai, tiah Bawipa nih a ti.

ISAIAH 30:6

Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, ṭih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho ṭung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.

ISAIAH 9:20

Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna!