MIKAH 6:10 - Lai (Hakha) Common Language Bible 2006

¹⁰ “Khuapi chungah aa pummi hna ngai hmanh u. Miṭhalo mi hna inn chungah dinlonak in an lakmi ro chaw tampi an um. Tahnak deu ka huatmi kha an hman.

MIKAH 6:10 Խաչաձեւ Հղումներ

AMOS 3:10

An ralhruang chungah zaang-ennak le firnak in thil tampi a khong luaimaimi hna nih hin, dinnak kha zei a si tiah an hngal lo, tiah Bawipa hrimhrim nih a ti.

PHUNGTHLÛKBIA 20:10

Cuai deu le rel deu hman hi Bawipa caah fihnung an si.

PHUNGTHLÛKBIA 21:6

Lihchim in hmuhmi chawva cu a zuangmi tikhu le thihnak rap an si.

PHUNGTHLÛKBIA 20:23

Cuai deu cu Bawipa caah fihnung a si, tahnak deu cu a ṭha lo.

PHUNGTHLÛKBIA 11:1

Cuai deu a hmangmi cu Bawipa nih a huat hna, sihmanhsehlaw tahnak khing ahmaanmi cu a lawmhmi a si.

PHUNGTHLÛKBIA 10:2

Ṭhat lonak in hmuhmi chawva cu a miak lo, sihmanhsehlaw dinnak cu thihnak chungin chuahtertu a si.

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

ZEFANIAH 1:9

Khi ni ah cun an bawipa biakinn tual i a lammi vialte kha dan ka tat hna lai i An bawipa inn zaang-ennak ṭhat lonak le hlennak in a khahtertu vialte hna cu dan ka tat fawn hna lai.

MIKAH 6:9

Bawipa aw cu ngai hmanh u, Amah min ṭih cu hlawhtlinnak a si. Bawipa nih cun khualipi cu a thawh i,

AMOS 3:9

Ashdod khua chung i siangpahrang inn hna le Izipt ram chung i siangpahrang inn hna ah cun va dir law, “Samaria tlang ah cun i pum tuah u law, Khika i tuainak a ummi kha le a mi hna lakah pakhat le pakhat i hremnak a ummi kha va zoh tuah u,” ti hna.

ZEKHARIAH 5:6

Zeidah a si? tiah ka hal i, “Bawm nganpi,” a ti; A sullam cu, ram chung dihlak sualnak, ti a si.