MIKAH 5:1 - Lai (Hakha) Common Language Bible 2006

¹ Jerusalem khuami hna, kulhnak vampang phen ah khan i thup u, Nannih cu an in kulh cang hna; Israel uktu cu a bel ah fung in an tuk lai.

MIKAH 5:1 Խաչաձեւ Հղումներ

ṬAHNAK HLA 3:30

An kan tuk i an kan nihsawh zongah kan i in awk a si ko.

JOB 16:10

Mi nih keimah seh awkah an kaa an ka anhnawh, An ka pumhhnawh i ka bel ah zawmhtaih ngaingai in an ka bengh.

2 KORIN 11:20

A uk in an in uk hna tikah, an in hlen hna tikah, an in foih hna tikah, an in zohchuk hna tikah, nan hmai i an in bengh hna tikah, nan in ko hna.

LAMKALTU 23:2

Paul pawng i a dirmi hna kha Paul cu a ka ah vun beng u, tiah Tlangbawi Ngan Ananias nih khan a ti hna.

JOHAN 19:3

an hun hnawh i, “Judah Siangpahrang cu saupi nung ko seh,” an ti i a hmai ah an bengh.

JOHAN 18:22

Cu bia a chim tikah cuka i a ummi palik pakhat nih Jesuh cu a bengh i, “Zeitindah Tlangbawi Ngan sinah cu bia cu na chim ngam?” tiah a ti.

MATTHAI 26:67

Cun a hmaiah cil an chak i an tuk; cun a bengtu hna nih khan an thawh i,

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,

MATTHAI 27:30

cil an chak i fung cu an chuh i a lu ah khan an tuk nak.

MATTHAI 5:39

Sihmanhsehlaw kei nih cun, nan cung i ṭhat lonak a tuahtu hna kha lehrul hna hlah u, kan ti hna. Nan orhlei bel ah an in bengh hna ahcun khatlei zong kha i chit rih u.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

HABAKKUK 1:6

Mah cucu hihi a si: Khaldi mi cu ka thawhter hna lai, Annih cu mipuar, mithintawi an si; Anmah inn a si lomi lak awkah khan vawlei cung khuazakip ah an kal.

AMOS 2:3

Cun a uktu hna bawi hna kha anmah lakah cun ka thah lai i An bawile vialte cu amah sinah cun ka thah chih dih hna lai. Cucu Bawipa bia a si.

JOEL 3:9

Hi thawngthanhnak hi miphun hna sinah khan va chim tuah u, Ral tuk awk caah i tim u, ralkap kha au hna u, Ralkap kha pum dih hna u law ra u; va ti hna u.

EZEKIEL 24:2

A ka thawh i, “Mipa, hi ni, hi ni hrimhrim hi a min ṭial tuah: Hi ni hi Babilon siangpahrang nih Jerusalem a dum ni a si, tiin.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 8:9

Nannih miphun vialte hna, ṭihnak in hmunkhat ah i pum tuah u. Vanhramdeng ram hna, ka bia ngai tuah u. Ral doh awkah timh cu i tim ko u, sihmanhsehlaw thinphang in um ṭhiamṭhiam ko u.

2 SIANGPAHRANG 24:2

Cun Bawipa nih a sal profet hna in a rak chimmi bia ning khan, Bawipa nih Khaldi mibu hna le Siria mibu hna le Moab mibu hna le Ammon mibu hna kha a thlahhnawh hna i Judah hrawh awkah khan a thlah hna.

1 SIANGPAHRANG 22:24

Khi tikah Khenaanah fapa Zedekiah kha a pawngah a ra i Mikaiah kha a biang ah a bengh i, “Zeitik ah dah Bawipa thlarau cu nangmah sin i bia chim awkah ka sinin a chuah cu a si?” tiah a ti.

GENESIS 35:19

Rachel cu a thi i Efrath lei kalnak lam ah khan an vui. Efrath cu Bethlehem ti a si cang.

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

BIACEIHTU 17:7

Cun Judah ram chung Bethlehem khuami a simi, Judah chung a simi tlangval pakhat, Levi mi a simi a um i, cu pa cu khika ah khan a va pem.

PHUNGTHLÛKBIA 8:23

Hlan lio piin a ka hmunhter cang, vawlei hramthawk hlanah, a hmasa bik ah a ka ser.

ISAIAH 9:5

A dohtu hna ralkapbu kedan vialte le thisen aa nehmi an hnipuan vialte cu mei in hrawh an si dih lai.

EZEKIEL 21:32

Mei in hrawh nan si lai. Nanmah ramchung ah khan nan thi cu thlet a si lai i ahohmanh nih an in hngal ti hna lai lo.” Hihi Bawipa bia a si.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.