MIKAH 4:6 - Lai (Hakha) Common Language Bible 2006

⁶ Khi ni ah cun a tlaumi kha ka pumh hna lai i, Raltangmi kha ka khawmh hna lai i a derthawmmi kha thazang ka pek hna lai.

MIKAH 4:6 Խաչաձեւ Հղումներ

ZEFANIAH 3:19

Khi caan a phak tikah, zohhmanh, Nangmah an hremtu vialte hna kha keimah nih ka tongh hna lai. A beimi kha ka chanh hna lai i a ṭhekmi kha ka pumh hna lai; Ka mi hna cu hmasa i zawmhtaih an rak sinak ram paohpaoh ah khan thangṭhatnak le minthannak ka hmuhter ṭhan hna lai.

JOHAN 10:16

Hi tuurun chung i a um lomi ka ta a simi tuu dang an um. Annih zong kha ka ratpi ve hrimhrim hna lai; ka aw kha an ngaih lai i tuukhal pakhat tangah tuurun run khat ah an cang lai.

ISAIAH 56:8

Saltannak chungin a mi Israel mi a chuahpitu hna Bawipa Pathian nih, anmah he fonh awkah midang kha ka ratpi rih hna lai, tiah bia aa kam.

SALM 147:2

Bawipa nih Jerusalem cu a remh ṭhan lai, saltang mi kha a kirpi ṭhan hna lai.

LUKA 19:10

Zeicahtiah Mi Fapa cu a tlaumi kawl awk le khamh awkah a ra,” tiah a ti.

MIKAH 2:12

“Sihmanhsehlaw nannih Israel mi a tangmi vialte cu hmunkhat ah kan pumh hna lai. Tuukawm kawm khat chung i a ummi bantuk le tlonnak pakhat chung i a tlongmi tuu bantukin hmunkhat ah kan pumh hna lai i, Nan ram ah cun mi tampi thawngpang a leng lai,” a ti.

EZEKIEL 36:24

Miphun hna lak khan kan chuah hna lai i ram kip khan kan pumh hna lai i nanmah vawleite ah khan kan kalpi hna lai.

JEREMIAH 31:8

Chaklei ram in ka ratpi hna lai, Vanhramdeng in ka pumh hna lai. Mitcaw le kebei zong an sinah an ra ve lai i Fapawi le a ni thla a tling dengmangmi hna zong an sinah an i tel lai; Miphun ngan piin an ra kir ṭhan lai.

JEREMIAH 3:18

Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.

SALM 38:17

Ka tlu dengmang i ka nganfahnak nih hin a ka tlaih peng ko.