MIKAH 2:9 - Lai (Hakha) Common Language Bible 2006

⁹ Ka mi hna nu hna cu an duh vemi an inn khan nan dawi hna i An fale hna cu ka thluachuahnak kha nan lakkanh hna.

MIKAH 2:9 Խաչաձեւ Հղումներ

HABAKKUK 2:14

Sihmanhsehlaw rili cu ti in a khah bantukin vawlei cu Bawipa hngalhnak le sunparnak in a khat lai.

EZEKIEL 39:21

Miphun hna lakah ka sunparnak kha ka langhter lai; biaceihnak ka tuahmi le an cungah a ritmi kut ka chiahmi kha mi vialte nih an hmuh lai.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

LUKA 20:47

mi nih ka hmu hna seh ti duh ah thla sau pipi in an cam, sihmanhsehlaw nuhmei kha an thilri le an inn tiangin an chuh ṭung hna. Dantatnak an hmuh ding cu a fak chinchinmi a si ko lai,” tiah a ti.

MARKA 12:40

Nuhmei kha an ei an hmuar hna i an inn an lo kha an chuh hna. Cun zapi nih kan hmu hna seh tiin thla kha sau pipi in an cam. Hi hna hi cu an dantatnak kha a fak chinchin men ko lai,” tiah a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

MIKAH 2:2

Lo kha an mit a thit ahcun an lak ko, inn kha an duh ahcun an tlaih ko; Mi kha an inn le an thilri an chuh ko hna.

JOEL 3:6

Judah ram mi le Jerusalem khuami kha anmah ram in a hlatnak ah nan kalpi hna i Grik mi sinah nan zuarh hna.

JEREMIAH 10:20

Ka inn cu a rawk cang, ka thlam hri vialte cu an cat dih cang; Ka fale nih an ka kaltak i an lo diam cang; Ka thlam a bunh ṭhantu ding ahohmanh an um lo, A puanzar hna a phun ṭhantu ding ahohmanh an um lo.

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.

AMOS 2:7

Annih nih sifakmi kha an lu vawlei ah an lamh chih hna i Mi nauta pawl kha lam thlang ah an en hna. Pa le fa nih nu pakhat kha an pahnih in an fuh i Cuticun ka min kha an thurhhnawmhter.