MIKAH 1:5 - Lai (Hakha) Common Language Bible 2006

⁵ Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.

MIKAH 1:5 Խաչաձեւ Հղումներ

AMOS 8:14

Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

ṬAHNAK HLA 5:16

Pangpar ṭhirual cu kan lu cungin an tla cang; Harnak nih a kan khuh cang, misual kan si caah.

JEREMIAH 6:19

Maw vawlei, ngai tuah, Hi mi hna cungah hin, anmah khuakhanmi theitlai, rawhralnak cu ka tlunter lai; Zeicahtiah ka bia kha zei ah an rel lo i ka cawnpiaknak kha an hlawt.

JEREMIAH 4:18

Na umtuning le na thil tuahmi nih mah hihi na cungah an tlunter, Mah hihi na dantatnak a si i Mah thil vialte hi na ka doh ruangah an chuak.

JEREMIAH 2:17

Bawipa nan Pathian nih lam an hruai hna tikah, Nanmah nih amah kha nan zamtak caah, Mah hi vialte hi nanmah nih nanmah lila cungah nan i tlunter, a si lo mei?

1 SIANGPAHRANG 13:32

Zeitintiah Pathian bia thawngin Bethel biakṭheng le Samaria ram chung khua i a ummi khuahrumbo hna inn vialte kong i a chimmi bia vialte kha a tling hrimhrim lai,” tiah a ti.

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

HOSEA 7:1

Ka mi hna cu an van ṭhatnak kha pek ṭhan ka duh hna i Israel mi cu damter ka duh hna tikah khan, A hung langmi cu Efraim ṭhat lonak lawnglawng le Samaria chiathrutnak lawnglawng kha a si ko, Mi kha an hlen hna, thil kha fir awkah mi inn kha an baoh i lam i a kalmi kha an thil an chuh hna.

JEREMIAH 5:25

Sihmanhsehlaw nan ṭhat lonak nih thil umtuning cu a lettalam in a umter dih hna i Nan sualnak nih nan cung i tlunter a duhmi a zaangfahnak cu a donh hna.

2 CHANRELNAK 34:3

Zeitintiah a bawi kum riatnak kum, tlangval note a si lioah khan, a pa David i Pathian kha kawl hram a thawk; cun a kum hleihnih kum ah Judah le Jerusalem chung i khuahrum bo hna le Asherim hna le suaimi milem hna le thletmi milem hna kha thianh hram a thawk hna.

2 CHANRELNAK 34:4

Cun a mithmuh ah Baal biakṭheng hna kha a chimh hna; cun an cung i a dirmi zihmui biakṭheng hna kha a hau hna i Asherim le suaimi le thletmi milem hna kha a den cikcek hna i leidip ah a ser hna i an cung i rai a rak thawimi hna an thlan cungah khan a vorh hna.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

AMOS 7:9

Isak khuahrumbo hna cu an rawk lai i Israel hmunthiang hna cu pakpalawng ah an cang lai; vainam i put in ka tho lai i Jeroboam innchungkhar cu ka tuk hna lai,” tiah a ti.

MIKAH 1:13

Maw Lakhish mi hna, rangtum kha rangleng ah khit hna u, Zeicahtiah a hmasa bik ah Zion fanu hna sualnak chungah a kalpitu cu nangmah na si i Israel ṭhat lonak cu nangmah thawngin a rak si.

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

1 SIANGPAHRANG 16:24

Shemer sinin Samaria tlang cu ngun talen pahnih in a cawk; tlang ah cun ralhau a sak i a sermi khua cu tlang a rak ngeitu Shemer min chuankhan in Samaria a ti.

JEREMIAH 23:13

Samaria profet hna cu ruahnak zeihmanh a ngei lomi an si kha ka hmuh: Baal min in bia an chim i ka mi Israel mi kha a pingah an hruai hna.

JEREMIAH 23:14

Jerusalem profet hna chungah thil fihnung bik pakhat ka hmuh: Va cungin pa aa duhmi an si i miziathiam an si, Ṭhat lonak a tuahmi hna kha thazang an pek hna i Cucaah ahohmanh nih an sualnak kha an mertak duh lo. A chung i a ummi vialte hna cu, Ka caah Sodom le Gomorrah bantuk an si ko.

EZEKIEL 16:46

Na u nu cu na chak i a fale he a ummi Samaria kha a si; na nau nu cu na thlanglei ah a fale he a ummi Sodom kha a si.