MIKAH 1:13 - Lai (Hakha) Common Language Bible 2006

¹³ Maw Lakhish mi hna, rangtum kha rangleng ah khit hna u, Zeicahtiah a hmasa bik ah Zion fanu hna sualnak chungah a kalpitu cu nangmah na si i Israel ṭhat lonak cu nangmah thawngin a rak si.

MIKAH 1:13 Խաչաձեւ Հղումներ

2 SIANGPAHRANG 18:17

Cun Assiria siangpahrang nih khan ralbawi bik le tilditmi upa bik le ralbawi ngan bik kha ralkapbu nganpi he Lakhish in Jerusalem ah Hezekiah siangpahrang sinah a hei thlah hna. Annih nih an rat tikah Puansutu Lo lei i a kalmi lam pawng i a ummi, cunglei tili tidong pawngah khan an ra i an dir.

2 CHANRELNAK 32:9

Hi hnuah hin, Assiria siangpahrang Sennakherib le a ralkap vialte hna cu Lakhish i an um lioah Jerusalem i a ummi Judah siangpahrang Hezekiah le Judah mi hna sinah cun sinum kha a hei thlah hna.

JOSHUA 10:3

Cucaah Jerusalem siangpahrang Adonizedek nih Hebron siangpahrang Hoham le Jarmuth siangpahrang Piram le Lakhish siangpahrang Jafia le Eglon siangpahrang Debir cu a cah hna i,

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

MIKAH 1:5

Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.

EZEKIEL 23:11

A naunu Oholibah nih khan amah cu aa ngiat i a duhnak le a hornak kha a u nak hmanh khan a zual deuh.

JEREMIAH 4:29

Rang cung ralkap hna le thalkah thiam hna an thawng ah khua kip cu an zam dih; Lungkua chungah an lut, rambur lakah an i thup, lungpang ah an kai; Khua paohpaoh cu ṭiaotak an si dih, an chungah ahohmanh an um ti lo.

JEREMIAH 3:8

Kha zumhawktlak lo Israel kha, vacung in pa aa duh caah maknak ca he ka kalter zong kha a hmuh fawn. Sihmanhsehlaw a unaunu, hlenhmang Judah kha a thin a phang lo, amah zong cu a kal i hlawhhlangnu kha aa celh ve lehlam.

ISAIAH 37:8

Assiria ralbawipa nih khan, Assiria siangpahrang cu Lakhish khua khan a chuak cang i cu khua pawng i a ummi Libnah khua kha a tu lio ti kha a theih, cucaah a ruahnak va hal awkah a va kal.

ISAIAH 10:31

Madmenah khuami hna le Gebim khuami hna cu himnak kawl ah an zam dih.

2 CHANRELNAK 11:9

Adoraim, Lakhish, Azekah,

2 SIANGPAHRANG 8:18

Ahab innchungkhar nih an tuah bantuk khan, Israel siangpahrang hna lam kha a zul ve, zeitintiah a nupi cu Ahab fanu kha a si. Cun Bawipa mithmuh i thil ṭhalo kha a tuah.

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

JOSHUA 15:39

Lakhish, Bozkath, Eglon,

EXODUS 32:21

Aaron cu a thawh i, “Hi mi hna hi na cung i zei an tuah ruangah dah hi bantuk sualnak ṭihnung hi na tuahter hna?” a ti.

GENESIS 19:17

Cun khua chungin an chuahpi dih hna hnuah khan vancungmi pakhat nih cun aa thawh i, “Nan nun nakhnga tli u! Hnulei zoh hlah u, nelrawn chungah dircon hlah u. Tlang ah tli u law nan thi lai lo,” a ti hna.

1 SIANGPAHRANG 4:28

Cun anmah le an rian ning cio ah, rangtum hna le tlik mumi rang hna caah a herhnak hmun paoh ah khan barli le ramro zong an rak put hna.

2 SIANGPAHRANG 14:19

Cun amah rawinak ding kha Jerusalem ah an tuah i Lakhish ah a zam. Sihmanhsehlaw Lakhish ah cun mi an hei dawiter hna i khika ah khan an thah.

ISAIAH 36:2

Cun a ralbawi ngan bik kha Lakhish khua in Jerusalem khua ah ralkap tampi he a thlah i Siangpahrang Hezekiah kha, i pe ko, nan va ti lai, tiah a ti. Ralbawipa nih cun puantaktu pawl lam kha a kham, cu a khamnak cu cunglei lam in ti a rung luannak kahcham pawngah khan a si.

JOB 39:10

Amah cu lei rinkuar rinnak ah hri na banh khawh lai maw? Na hnu in lei rinkuar cu leitlang den in a run ngetter hna lai maw?

JEREMIAH 34:7

Babilon siangpahrang ralkap hna nih Jerusalem khua an tuk lioah khan a chimh. Ralkap pawl nih cun Lakhish le Azekah zong kha an tuk, hi hna lawng hi Judah ram chung i kulh ngeimi khua a tangmi cu an si.