MATTHAI 9:8 - Lai (Hakha) Common Language Bible 2006

⁸ Cucu mi nih khan an hmuh tikah an thin a phang i cu bantuk nawlngeihnak cu Pathian nih minung kha a pek hna caah Pathian cu an thangṭhat.

Laibaibal Thiang (BSI)

⁸ Mizapi nih an hmuh tikah, an khuaruah a har i minung sinah cubantuk thiltikhawhnâk a petu Pathian kha an thangṭhat.

MATTHAI 9:8 Խաչաձեւ Հղումներ

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

MATTHAI 15:31

A holh kho lomi an holh khawh le a zengmi an dam le kebeimi an kal khawh le mitcawmi nih khua an hmuh ṭhan kha an hmuh hna tikah, mizapi cu an khuaruah a har i Israel Pathian kha an thangṭhat.

LAMKALTU 4:21

Biaceihtu hna nih cun fak chinchin in an hro hna i an thlah hna. Mizapi nih thil a hung ummi kongah khan Pathian cu an thangṭhat lulhmalh caah dantat khawhnak lam kha an hmu kho lo.

LUKA 23:47

Cucu ralbawipa nih khan a hmuh i Pathian kha a thangṭhat i; “Hi pa hi a sual hrimhrim lo,” tiah a ti.

LUKA 17:15

An lak i pakhat cu ka dam cang ti a hngalh tikah khan a ra kir i Pathian kha fak piin a thangṭhat.

MARKA 2:12

An dihlak in an zoh ko lioah khan mipa cu a tho i a ihphah cu aa lak i khulrang in a kal. An dihlak in khuaruahhar in ar koin an um i Pathian kha an thangṭhat i, “Hi bantuk thil hi zeitikhmanh ah kan hmu bal lo,” tiah an ti.

GALATI 1:24

keimah ruangah cun Pathian kha an thangṭhat.

JOHAN 15:8

Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.

LUKA 13:13

A cungah khan a kut a chuan i cu cangka cun ding tein a dir kho i Pathian kha a thangṭhat.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 21:20

A chimmi cu an theih tikah Pathian kha an thangṭhat. Cun Paul cu an thawh i, “Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.

MARKA 7:37

Cun a theimi paohpaoh cu an khuaruah a har dih. “A tuahmi thil hi an va ṭha hringhran dah! Hnachet kha an hna a awnter hna i a holh kho lomi zong kha holh kho in a tuah hna,” tiah an thangṭhat.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

MATTHAI 12:23

Mizapi cu an khuaruah a har i, “Hi pa hi David fapa a si sual hnga maw?” an ti.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

MATTHAI 9:7

Mipa cu a tho i inn ah cun a ṭin.

LUKA 2:20

Tuukhal pawl cu an kir i an va hmuhmi le an theihmi ruangah khan Pathian cu an thangṭhat; vancungmi nih a chimh hna bantukte khan a si taktak ko.

LUKA 17:18

Annih zong ra kir in Pathian kha an thangṭhat kho lo maw? Hi ramdang mipa lawng hi maw a ra kho?” tiah a ti.

LUKA 18:43

Hmakhatte ah khua cu a hun hmu kho i Jesuh kha a zulh i Pathian kha a lawmh. Mizapi nih cucu an hmuh tikah Pathian kha an thangṭhat.

2 KORIN 9:13

Hi nan tuahmi nih a langhtermi thawng hin, toidor tein a bia nan rak ngaih le Khrih Thawngṭha nan rak i tlaihnak kongah zumh awk tlak tein nan rak um kha an hmuh tikah, Pathian kha an upat lai; cun an herhbaunak bawmhnak ca le zapi ṭhatnak ca i siang ngaiin nan rak thawhmi ruangah khan Pathian cu an lawmh lai.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.