MATTHAI 9:24 - Lai (Hakha) Common Language Bible 2006

²⁴ “Nan dihlak in chuak tuah u! Ngakchia nute hi a thih ṭung lo, aa hngilh i pei a si ko cu,” tiah a ti hna. Annih nih an nihsawh,

Laibaibal Thiang (BSI)

²⁴ “Chuak dih u, zeitintiah ngakchia nu cu a thih ṭung lo, â hngilhmi a si,” tiah a ti. Annih nih an rak nih sawh.

MATTHAI 9:24 Խաչաձեւ Հղումներ

LAMKALTU 20:10

Sihmanhsehlaw Paul cu a vung ṭum i a bawhhnawh i a ṭang ah aa behchih. “Nan thinphang hlah u, a nung ko rih!” tiah a ti.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

JOHAN 11:4

Cu bia cu Jesuh nih a theih tikah, “Hi zawtnak hi a donghnak cu thihnak a si lai lo, sihmanhsehlaw Pathian sunparnak langhternak caah a si lai i hi thawng hin Pathian Fapa zong nih sunparnak a hmuh lai,” a ti.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

JOB 12:4

Ka hawile hmanh nih an ka nihsawh, Sihmanhsehlaw Pathian nih a ka leh caan cu a um ve ko; Miding le soi awk um lo ka si nain an ka nihsawh.

MARKA 5:40

Annih nih cun a nih in an nih i cucaah an dihlak in a chuahter hna i ngakchianu a nu le a pa le a zultu pathum hna kha aa kalpi hna i ngakchianu an suannak khaan chungah cun an va lut.

LUKA 8:53

A thi ko ti kha an hngalh caah an nih a chuak.