MATTHAI 5:9 - Lai (Hakha) Common Language Bible 2006

⁹ Mi le mi karah remnak a sertu cu lunglawmmi nan va si dah! Pathian nih, ka fa, tiah an ti hna lai.

Laibaibal Thiang (BSI)

⁹ Daihnâk sertu cu mithluachuak an si, zeitintiah Pathian fa tiah kawh an si te lai.

MATTHAI 5:9 Խաչաձեւ Հղումներ

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

ROM 12:18

Mi vialte he i rem awk kha nan i zuam khawh chungin i zuam u.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

SALM 120:6

Daihnak a huami hna sinah sau tuk ka um cang!

ROM 8:14

Pathian Thlarau nih a hruaimi hna cu Pathian fale an si.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

KOLOSE 3:13

Pakhat le pakhat lungsi lonak nan i ngeih tikah pakhat le pakhat i ngaithiam u law i bawm u. Bawipa nih an ngaihthiam hna bantukin pakhat le pakhat nan i ngaithiam lai.

SALM 34:12

Nun nuam tein nun le chan saupi le lunglawm in nun cu nan duh maw?

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

LAMKALTU 7:26

A thaizing ah Israel mi pahnih an i velh kha a hmuh hna i an karlak i remnak ser kha aa zuam. A thawh hna i, “Ka duale hna, ka bia hi ngai tuah u, nannih cu u le nau pei nan si cu, zeicahdah pakhat le pakhat nan i velh?” tiah a ti hna.

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

1 CHANRELNAK 12:17

Annih ton awkah khan David cu a va chuak i, “Hawikomhnak in keimah bawmh awkah nan rat a si ahcun, ka lung cu nannih sinah ṭhit chih a si lai; sihmanhsehlaw ka ral hna sinah, ka kut chungah zeihmanh sualnak a um lo nain, rawi awk i nan rat a si ahcun, kan pupa hna Pathian nih in hmu hna seh law in mawhchiat ko hna seh,” tiah a ti.

1 KORIN 6:6

Nannih nih cuticun tuah loin, unau le unau cu taza nan i cuai i a zum lomi tu kha nan biathlektu ah nan hman hna.

FILIPI 4:2

Euodia le Sintikhe, zaangfahnak in kan nawl hna, Bawipa chungah unau bantuk tein lungkhat in um i zuam u.

LUKA 20:36

Annih cu vancungmi bantuk an si i an thi kho lo. Annih cu thihnak in thawh ṭhantermi an si cang caah Pathian fa an si.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

ROM 8:16

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

ROM 8:19

Pathian nih a fale a phuan hna lai cu sermi thil vialte nih ngangngan ngaiin an hngak ko.