MATTHAI 5:8 - Lai (Hakha) Common Language Bible 2006

⁸ Lungthin a thiangmi cu lunglawmmi nan va si dah! Pathian kha nan hmuh lai.

Laibaibal Thiang (BSI)

⁸ Lungthin a thiangmi cu mithluachuak an si, zeitintiah Pathian an hmuh te lai.

MATTHAI 5:8 Խաչաձեւ Հղումներ

SALM 24:4

Tuahnak le lungthin in a thiang i siasal kha a bia lo i hlennak biakam a tuah lomi kha an kai kho lai i an lut kho lai.

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

PHUNGTHLÛKBIA 22:11

Siangpahrang cu faknak in na hawikom ah na ser khawh lai, sihmanhsehlaw Bawipa nih lungthiangmi kha a duh hna.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

TITAS 1:15

A thiangmi caah cun zeizong vialte hi a thiang dih ko, sihmanhsehlaw a hnawmtammi hna le a zum duh lomi hna caah cun, an lungthin le an chiaṭha thleidannak kha a thur caah, zeihmanh a thiangmi a um lo.

SALM 15:2

A um ding cu, zeizong vialte ah Pathian nawl a zul i a hmaanmi thil a tuah zungzal i a bia biahmaan le biatak a si i

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

SALM 73:1

Pathian hi Israel mi hna cungah a ṭha taktak ko, lung thiang a ngeimi hna cungah a ṭha taktak ko.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

SALM 18:26

A thiangmi sinah na thiang i asinain miṭhalo cu na huat hna.

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

BIAPHUAN 22:4

Annih nih a hmai an hmuh lai i a min cu an cal ah aa ṭial lai.

GENESIS 32:30

Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

2 SAMUEL 22:27

A thiangmi sinah a thiang in naa langhter, A hrokhrawlmi sinah zer ngaiin naa langhter.