MATTHAI 5:45 - Lai (Hakha) Common Language Bible 2006

⁴⁵ Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

Laibaibal Thiang (BSI)

⁴⁵ cucu van i a ummi nan Pa fale nan si khawh nâkhnga caah a si. Anih nih cun misual le miṭha cungah ni a tlanter i miding le miding lo cungah ruah a surter.

MATTHAI 5:45 Խաչաձեւ Հղումներ

SALM 145:9

Aho cung paoh ah a ṭha i a sermi hna an dihlak cungah zaangfahnak a ngei.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

JOB 25:3

A ralkapbu hna cu aho nih dah an rel cawk hna lai? Pathian ceunak nih a ceuh lomi hmun a um maw?

EFESA 5:1

Nannih cu Pathian dawtmi fa nan si caah amah bantuk kha si i zuam u.

MATTHAI 5:9

Mi le mi karah remnak a sertu cu lunglawmmi nan va si dah! Pathian nih, ka fa, tiah an ti hna lai.

JOHAN 13:35

Pakhat le pakhat nan zawn nan i ruah ahcun mi vialte nih, hi hna hi amah a zultu kha an si, tiah an in hngalh hna lai,” tiah a ti hna.

1JOHAN 3:9

Pathian fa a simi paoh nih cun sualnak an tuah peng lo, zeicahtiah Pathian thlaici kha an chungah a um; cun Pathian cu an Pa a si caah an sual kho peng lo.

JEREMIAH 5:24

Annih nih an lungchung in, “Anmah caante cio ah fur ruah le ṭhal ruah kha a kan pe i Rawl ṭuannak caan pelh lo tein khuacaan a kan chiahpiaktu Bawipa kan Pathian kha ṭih u sih,” an ti lo.

FILIPI 2:15

Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin