MATTHAI 5:37 - Lai (Hakha) Common Language Bible 2006

³⁷ ‘Asi,’ ‘Asilo,’ ti lawng kha chim ko u, cu pin cu Mi Ṭhalopa sinin a rami thil an si.

Laibaibal Thiang (BSI)

³⁷ Na chimmi bia cu a simi kha ‘asi’ ti law, a silomi kha ‘a silo’ ti ko. Cupin lei pauhpauh cu Misual pa sinin a rami a si.

MATTHAI 5:37 Խաչաձեւ Հղումներ

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

KOLOSE 3:9

Nan mi hlun cu a hman tawnmi a ziaza he khan nan i phoih cang i

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

2 THESALON 3:3

Bawipa cu zumh awk tlak a si ko. An ṭhawnter hna lai i Miṭhalo Pa sin khan him tein an umter ko hna lai.

MATTHAI 13:19

Lam hril i a tlami thlaici cu Vancung Pennak kong kha a theih cu a thei i a sullam a hngal ṭung lo mi kha an si. An chung i tuhmi thlaici cu Mi Ṭhalopa nih khan a chuah dih.

MATTHAI 13:38

lo cu vawlei hi a si; thlaici ṭha cu Vancung Pennak chung i a ummi hi an si; belh cu Mi Ṭhalopa minung kha an si.

1JOHAN 5:18

Pathian fa a simi cu a sual peng lo ti kha kan hngalh, zeicahtiah Pathian Fapa nih khan him tein a umter i Miṭhalopa nih khan a tawng kho lo.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

1JOHAN 2:13

Pale hna, a hramthawk tein a ummi kha nan hngalh caah nan sinah hi ca hi ka ṭial. Tlangval hna, nannih nih Miṭhalopa kha nan tei caah hi ca hi kan kuat hna.

1JOHAN 3:12

Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

JOHAN 17:15

Vawlei cung hin la hna tiah kan nawl a si lo, sihmanhsehlaw Mi Ṭhalopa sin khan him tein chia ko hna ti kha kan nawl.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

MATTHAI 5:36

Nanmah lu chalh zongin chiatser hlah u, zeicahtiah nan samfa fa khat hmanh nan dumter kho in nan ranter kho lo.

EFESA 6:16

Zumhnak kha phaw caah i ken zungzal u law cu phaw cun Khuachia nih mei bantuk a simi thal in an kah hna tikah nan rak hmih khawh hna lai.