MATTHAI 4:2 - Lai (Hakha) Common Language Bible 2006

² Ni sawm li le zan sawm li rawl loin a um hnuah Jesuh cu a rawl a ṭam ngaingai.

Laibaibal Thiang (BSI)

² Ni sawmli le zan sawmli rawl a ulh hnu ah a rawl a ṭâm.

MATTHAI 4:2 Խաչաձեւ Հղումներ

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

1 SIANGPAHRANG 19:8

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

LUKA 4:2

Khika ah Khuachia nih ni sawm li chung a rak tukforh. Cu chung vialte cu rawl a ei lo caah cu caan a dih tikah a rawl a ṭam ngaingai.

DEUTERONOMI 9:9

Lungtlap hna, Bawipa nih nannih he biakamnak a sernak lungtlap hna, lak awkah tlang cungah ka hung kai tikah khan, tlang cungah khan ni sawm li le zan sawm li ka hung um; rawl zong ka ei lo, ti zong ka ding lo.

DEUTERONOMI 9:25

“Bawipa nih nannih cu ka hrawh hna lai tiah a ti caah, cucaah Bawipa hmaiah hi ni sawm li le zan sawm li cu ka bawk.

EXODUS 24:18

Moses cu minmei chungah khan a lut i tlang cungah cun a kai. Cuka ah cun ni sawm li le zan sawm li a um.

JOHAN 4:6

Cuka ah cun Jakob tikhor kha a um i Jesuh cu a khualtlawnnak ah cun a bat caah tikhor pawngah cun a ṭhu. Cu caan cu chun hrawng khi a si.

MARKA 11:12

A thaizing, Bethani khua in an ra kirpah ah khan, Jesuh cu a rawl a ṭam.

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.

MATTHAI 21:18

A thaizing cu zingkate in Jesuh cu Jerusalem khua ah khan a kal ṭhan i lampi ah a rawl a ṭam.

MATTHAI 25:35

Ka rawl a ṭam i rawl nan ka pek, ka ti a hal i ti nan ka pek; khual ka si i nan inn ah nan ka tlunter.

MATTHAI 25:42

Ka rawl a ṭam ah rawl nan ka pe lo, ka ti a hal ah ti nan ka pe duh lo,