MATTHAI 3:2 - Lai (Hakha) Common Language Bible 2006

² “Vancung Pennak cu a nai cang caah nan sualnak kha mertak cang hna u,” tiah a ti hna.

Laibaibal Thiang (BSI)

² “I ngaihchih u, zeicatiah vanbawi pennâk cu a nai cang,” tiah a ti.

MATTHAI 3:2 Խաչաձեւ Հղումներ

MATTHAI 4:17

Cu caan thawk cun Jesuh nih, “Vancung Pennak a nai cang caah, nan sualnak kha mertak cang hna u,” tiah a chimh lengmang hna.

MARKA 1:15

“A caan kha a phan cang. Pathian Pennak cu a phan dengmang cang. Nan sualnak kha kaltak hna u law Thawngṭha kha zum tuah u,” tiah a ti hna.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

MATTHAI 6:10

Na pennak cu rung tlung ko seh, Vancung ah na duhnak an tuah bangin Vawlei cungah hin tuah si ve ko seh.

2 KORIN 7:10

Pathian nih a hmanmi ngaihchiatnak nih cun khamhnak lei kalpitu lungthlennak a chuahpi i cu bantuk ngaihchiatnak cu i ngaihchih awk zeihmanh a um lo. Asinain vawlei cung phung ningin ngaihchiatnak kha kan in ahcun cu nih cun thihnak kha a chuahpi.

MATTHAI 10:7

Cun, ‘Vancung Pennak cu a nai cang,’ tiah va chim hna u.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 13:3

Asilo, nannih zong nan nunning nan ṭhinh lo ahcun anmah thih bantukin nan thi ve lai.

LUKA 11:20

Beelzebul ṭhawnnak in khuachia kha ka ṭhawl hna a si ṭung lo, Pathian ṭhawnnak in pei a si deuh cu, cu nih cun Pathian Pennak kha nan sin a phan cang ti kha a langhter.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LUKA 6:20

Jesuh nih a zultu kha a zoh hna i a thawh hna i, “Nannih sifakmi hna i lawm u, Pathian Pennak cu nanmah ta a si.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 13:47

“Vancung Pennak cu rili chung i chehmi sur, nga phun zakip a tlaitu bantuk a si.

MATTHAI 13:33

Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

MATTHAI 12:41

Biaceih Ni ah cun Nineveh khua mi hna kha, annih cu Jonah nih phung a chimh hna tikah an sualnak kha an i ngaihchih caah, an dir lai i sual an in phawt hna lai; hihi kan chimh hna: Jonah nakin a ngan deuhmi pei hika ah hin a um cu!

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

KOLOSE 1:13

Zeicahtiah amah nih cun muihnak ṭhawnnak chung khan a kan chuah i a dawtmi a Fapa pennak chungah khan him tein a kan luhpi i

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LUKA 15:7

Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai,” tiah a ti.

LUKA 13:5

A si hrimhrim lo, nannih zong nan nun nan ṭhinh lo ahcun anmah thih bantukin nan thi ve lai,” a ti.

LUKA 9:2

Cun Pathian Pennak kong chim awk le mizaw damter awkah a thlah hna.

MARKA 6:12

Cucaah an chuak i, nan sualnak in i mer u, tiah mi kha an chimh hna.

MARKA 1:4

Cucaah Johan cu ramlak ah khan a hung chuak i mi kha tipilnak a pek hna i phung kha a chimh hna. “Nan lung i thleng u law tipilnak kha ing tuah u; cun Pathian nih nan sualnak kha an ngaihthiam hna lai,” tiah a ti hna.

MATTHAI 5:10

Pathian nih tuah u, a timi tuah ruangah hremnak a ingmi cu lunglawmmi nan va si dah! Vancung Pennak cu nanmah ta a si.

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

BIAPHUAN 2:21

Lungthlennak caan kha ka pek ko, sihmanhsehlaw a horduhcuainak lam khan i let ṭhan a duh lo.

MATTHAI 13:31

Jesuh nih tahchunhnak bia a dang pakhat a chimh ṭhan hna. “Vancung Pennak cu mipa nih aa lak i a lo i a tuhmi anṭam ci bantuk a si.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

BIAPHUAN 2:5

Zeitluk niam i na tlak cang kha philh hlah. Na sualnak kha mertak hna law hmasa i na rak tuah tawnmi kha tuah ṭhan hna. Na sualnak kha na mertak hna lo ahcun, ka ra lai i na mei vannak kha a umnak hmun in ka ṭhial lai.

HEBRU 6:1

Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh ṭhan lengmang ti hlah u sih, cun Pathian zumh zong kha a hram in i thawk ṭhan lengmang ti hlah u sih;

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

MATTHAI 22:2

“Vancung Pennak cu, a fapa caah nupi ṭhit rawl danghnak a tuahtu siangpahrang he aa lo.

MATTHAI 25:1

“Cun Vancung Pennak cu hi bantuk hi a si lai, voi khat cu ngaknu pahra an um i nupi ṭhi tlangval kha don awkah an meiinn cio he an i thawh.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 20:1

“Vancung Pennak cu mitsur dum a ngei i zingkate in a dum chung i rianṭuantu ding kawl awkah aa thawhmipa he aa lo.

MATTHAI 18:23

zeicahtiah Vancung Pennak cu hi bantuk hi a si: Siangpahrang pakhat nih a sal hna rian ṭuanning kha zoh aa tim.

MATTHAI 11:20

Cun Jesuh nih khuaruahharnak tam bik a tuahnak khua hna kha, an chung i a ummi hna nih an ziaza an thlen hlei lo caah a sik hna,

1 SIANGPAHRANG 8:47

sihmanhsehlaw sal ah an kalpi hnanak ram ah cun, an lung a hung pem i an i ngaihchih i a tlaitu hna ram ah cun na sinah, ‘Kan sual cang, ding lopi le ṭhalo piin thil kan tuah cang,’ tiin nawlnak an tuah ahcun,

LUKA 21:31

Cu bantukin hi thil hna an hung um kha nan hmuh tikah Pathian Pennak cu a nai cang ti kha nan hngalh lai.

LUKA 16:30

Mirumpa nih cun a hun leh i, “Ka pa, Abraham, cucu a za lo, mi pakhatkhat cu thihnak in a thawh i an sin i a va kal ahcun an nunning kha an ṭhinh ko lai,” tiah a ti.

MATTHAI 25:14

“Vancung Pennak cu khualtlawn i aa thawhmipa bantuk a si. A salle kha a kawh hna i a thilri kha nan rak zohkhenh lai, tiah a ti hna.

MATTHAI 13:24

Jesuh nih tahchunhnak bia dang pakhat a chimh ṭhan hna. “Vancung Pennak cu a lo chung i thlaici ṭha a tuhmipa bantuk a si.

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

LUKA 1:16

Israel mi mi tampi kha Bawipa an Pathian sinah a kirpi ṭhan hna lai.

JOB 39:12

Amah cu a ra kir lai i na phuhri ah na rawl cu a rak phorh hna lai, tiah na zumh maw?