MATTHAI 27:54 - Lai (Hakha) Common Language Bible 2006

⁵⁴ Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

Laibaibal Thiang (BSI)

⁵⁴ Cuticun ralbawipa le a sin i Ralkap a um vemi hna nih thil umtuning an hmuh tikah an ṭih ngaingai. Hipa hi Pathian Fapa a si hrimhrim ko, tiah an ti.

MATTHAI 27:54 Խաչաձեւ Հղումներ

MARKA 15:39

Vailamtahnak hmai i a dirmi ralbawipa nih khan, Jesuh a au le a cah kha a hmuh tikah, “Hi pa cu Pathian Fapa a si hrimhrim ko,” tiah a ti.

MATTHAI 27:36

Cun an ṭhu i an cawngh.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!” an ti.

LAMKALTU 27:43

Sihmanhsehlaw ralbawipa nih khan Paul kha khamh a duh caah a thlauh hna. Cucaah aa leuh khomi paoh tikam leiah i leuh u, tiah nawl a pek hna;

LAMKALTU 27:1

Itali ram ah tilawng in nan kal lai tiah bia an kan khiahpiak tikah, Paul le a dang thongtla tlawmpal hna kha Rom ralkap chung i “Siangpahrang Ralkapbu” timi haotu Julias sinah khan an pek hna.

LAMKALTU 23:23

Cun ralkapbu haotu nih khan ralbawi pahnih kha a auh hna i, “Sisaria i kal awkah ralkap za hnih in va tim hna u; cun rangcung ralkap sawm sarih le feipu za hnih zong va timhter chih hna u law tuzan suimilam pakua ah i thawh dingin i tim u.

LAMKALTU 21:32

Chikkhatte ah cu haotupa nih cun ralbawi tlawmpal le ralkap kha aa kalpi hna i zapi leiah cun an va le. Ralkap he an rat kha an rak hmuh hna tikah Paul an tuk kha an ngol.

MATTHAI 8:5

Jesuh cu Kapernaum khua i a va luh ah khan Rom ralbawi pakhat nih a rak don i,

MATTHAI 4:3

Khuachia cu a sinah a ra i, “Nangmah cu Pathian Fapa na si ahcun, hi lung hi changreu ah canter hna ngat,” tiah a ti.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

LAMKALTU 23:17

Cun Paul nih ralbawi pakhat kha a kawh i, “Ralkapbu haotu sinah hi tlangvalpa hi hei kalpi tuah, zeilo chimh awk a ngei,” tiah a ti.

LAMKALTU 10:1

Sisaria khua ah hin mipa pakhat a rak um i a min cu Kornelias a si; amah cu Rom ralkapbu pakhat, “Itali Ralkap Bu” timi a haotu kha a si.

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

JOHAN 19:7

Judah mi nih cun, “Amah nih Pathian Fapa ka si tiah a ti caah kan phung bantukin thih awk a si,” an ti.

LUKA 22:70

Cun annih nih an dihlak in, “Pathian Fapa maw na si kun?” an ti. Anih nih a leh hna i, “Nan ka ti bangin ka si,” tiah a ti.

MATTHAI 27:40

“Biakinnpi hmanh pei ka ṭheh lai i ni thum ah ka sak ṭhan dih lai, na rak ti kha. Pathian Fapa na si ahcun nangmah cu i khamh kun ngat. Vailamtahnak cung khan ta, na rung ṭum kun,” an ti.

MATTHAI 26:63

Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, “A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim,” tiah a ti.

MATTHAI 27:51

Khi tikah Biakinn chung puanzar kha a lu in a taw tiang aa cheu. Vawlei kha aa hnin, lung kha an i cheu i