MATTHAI 27:32 - Lai (Hakha) Common Language Bible 2006

³² Cun lam ah khan Sairin khuami Simon kha an ton i a vailam tahnak thing kha hramhram in an putter.

Laibaibal Thiang (BSI)

³² An chuah lio ah, Sairin khua mi Simon kha an hmuh, cupa cu a vailam put piaktu ah an tlaih.

MATTHAI 27:32 Խաչաձեւ Հղումներ

MARKA 15:21

Lampi ah mipa pakhat a min Simon a simi, khuate lei in Jerusalem leiah a kalmi kha an ton. Amah cu Jesuh vailam tahnak thing kha an hnek i an putter. (Hi Simon hi Sairin khuami Alekzandar le Rufas pa kha a si).

LUKA 23:26

Jesuh cu ralkap nih khan an kalpi i lampi ah khuate lei in khuapi ah a rami Sairin khuami Simon kha an ton. An tlaih i vailam tahnak kha an khinh i Jesuh hnulei khan an zulhter.

MATTHAI 16:24

Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

LAMKALTU 2:10

Frizia ram hna, Pamfilia ram hna, Izipt ram hna le Libia ram chung i a ummi Sairin khua pawng ram hna in a rami kan si; cun a cheu cu Rom khua in a rami kan si,

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

JOHAN 19:17

A vailamtahnak kha amah nih aa put i “Luruh Hmun” an timi kha an phan. (Hebru holh cun Golgotha an ti).

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

LEVITIKAS 4:12

cawtum cu a pumpi in riahbuk lengah hmun thiang pakhat vutcam thletnak hmun ah cun, a kalpi lai i thing cungah a khangh lai; vutcam thletnak hmun ah cun khangh a si lai.

1 SIANGPAHRANG 21:10

cun mi ṭhiṭhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a ṭial.

LEVITIKAS 4:21

Cun cawtum cu riahbuk lengah a kalpi lai i a hmasa cawtum a khangh bantuk khan a khangh ve lai; mah hihi mi zapi ca i sual thawinak a si.

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LAMKALTU 7:58

khua chung khan lengah an hnuh i lung in an va cheh. Cuti in lung in a cheptu hna nih cun an puan kha, tlangval pakhat a min Saul a simi kehram ah khan an i chiah.

MATTHAI 5:41

Cun an uktu ralkap hna nih, an thil phorh kha, khan khat an in fial hna ahcun, khan hnih in va phorhpiak hna u.