MATTHAI 26:64 - Lai (Hakha) Common Language Bible 2006

⁶⁴ Jesuh nih cun, “Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cung Nung Bik orhlei i a ṭhut le khuadawm cungin a rat kha nan hmuh lai,” tiah a leh hna.

Laibaibal Thiang (BSI)

⁶⁴ Jesuh nih, “Na chimning kha a si ko. Asinain kan chimh, tu hnu ah Mi Fapa hi Thiltikho orhlei kam i a ṭhut le, van in khuadawm lak i a rat kha na hmuh lai,” tiah a ti.

MATTHAI 26:64 Խաչաձեւ Հղումներ

DANIEL 7:13

Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

MARKA 14:62

Jesuh nih, “Ka si. Cun Mi Fapa cu A Liannganmi Pathian orhlei kamah ka ṭhut i vancung khuadawm he ka rat kha na ka hmuh te lai,” tiah a ti.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

LUKA 21:27

Cun Mi Fapa cu sunparnak le lianhngannak he khuadawm cung i a rat kha an hmuh lai.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

MATTHAI 26:25

Leitu Judas nih khan a hun i thawh i, “Saya, keimah na ka ti duhnak cu a si i mei?” tiah a hal. Jesuh nih cun, “Na chim ko cu ta,” tiah a leh.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

1THESALON 4:16

Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

LUKA 22:70

Cun annih nih an dihlak in, “Pathian Fapa maw na si kun?” an ti. Anih nih a leh hna i, “Nan ka ti bangin ka si,” tiah a ti.

MATTHAI 27:11

Mangki bawi hmaiah cun Jesuh cu a dir i mangki bawipa nih cun, “Judah siangpahrang cu na si maw? tiah a hal. “Na chim ko cu ta,” tiah Jesuh nih a leh.

ROM 14:10

A si ahcun, nannih anhringso lawng a eimi nih zeicahdah nan unau hna cu nan soi kun hna? Cun nannih anhringso ei lo pawl zong nih zeicahdah nan unau cu nan zawmhtaih ve hna? Kan dihlak in Pathian hmaiah biaceih awkah kan chuak cio ko lai.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

MATTHAI 16:28

Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

MATTHAI 22:44

Bawipa nih ka Bawipa cu a thawh i, Na ral hna cu na ke tangah ka chiah hna hlantiang Ka orhlei kamah hin ṭhu tuah, tiah a ti, a ti cu.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

LUKA 22:69

Sihmanhsehlaw atu hin cun Mi Fapa hi Lianngan Bik Pathian orhlei kamah ṭhutter ka si cang lai,” tiah a ti.