MATTHAI 26:29 - Lai (Hakha) Common Language Bible 2006

²⁹ Hihi kan chimh hna: Ka Pa Pennak chungah nanmah he a thar in ka din ṭhan hlantiang hi mitsur hang hi ka ding ti lai lo,” tiah a ti.

Laibaibal Thiang (BSI)

²⁹ Asinain kan chimh hna, “Ka Pa pennâk ah nanmah he a thar in ka din cân a phanh hlan lo, atu riin misur hang hi ka ding ti lai lo,” tiah a ti.

MATTHAI 26:29 Խաչաձեւ Հղումներ

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

MARKA 14:25

Pathian Pennak chungah a thar in ka din ṭhan hlan cu, hi mitsur hang hi ka ding ti lai lo,” tiah a ti.

SALM 40:3

Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i Bawipa kha an i bochan lai.

LAMKALTU 10:41

Pathian nih tehte caah a kan thimmi kanmah sin lawngah khan Pathian nih cun a langhter. Thihnak in a thawh hnuah amah he cun kan ei ṭi kan ding ṭi.

JOHAN 17:13

Atu cu kei cu nangmah sinah ka ra lai; sihmanhsehlaw hi vawlei cung i ka um lioah hi bia ka chimnak cu ka lunglawmhnak kha an lung chungah tlamtling tein an ngeih nakhnga caah a si.

MATTHAI 13:43

Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

JOHAN 15:11

“Ka lunglawmhnak kha nan chung-ah a um i nan i lawmhnak cu a tlin nakhnga, hi bia cu kan chimh hna.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

MATTHAI 18:20

Zeicahtiah ka min in pahnih pathum nan i pumhnak ah kei zong nan sinah ka um ve,” tiah a ti.

MATTHAI 16:28

Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

SALM 104:15

an lung a lawmhtertu dingah mitsur hang kha an chuahter; an tha an nuamtertu dingah oliv chiti kha an chuahter i thazang a petu dingah rawl an chuahter.

SALM 4:7

Nangmah nih lawmhnak na ka pekmi cu, din awk zu tampi a ngeimi le ei awk rawl tampi a ngeimi hna an i lawmhnak nakin a ngan deuh.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

ISAIAH 25:6

Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

MATTHAI 26:30

Cun hla an sa i Oliv tlang ah khan an kal.