MATTHAI 26:24 - Lai (Hakha) Common Language Bible 2006

²⁴ Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

Laibaibal Thiang (BSI)

²⁴ Mi Fapa hi a kong an rak ṭial bantuk te khan a kal lai. Asinain Mi Fapa a rawitu cungah chiat tlung ko seh! cu minung cu chuak loin rak um sehlaw a caah a ṭha deuh lai,” tiah a ti.

MATTHAI 26:24 Խաչաձեւ Հղումներ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

SALM 55:15

Ka ral hna cungah cun thihnak kha khulrang in tlung seh law mithi khua ah khan a nung in vung kal hna seh. An inn chung le an lung chungah ṭhat lonak a um.

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

MATTHAI 18:7

Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um ṭheoṭheo ko lai, sihmanhsehlaw cu bantuk a umtertu caah cun ṭihnung a si hringhran ko.

MATTHAI 26:31

Jesuh nih annih cu a thawh hna i, “Cathiang nih, ‘Pathian nih tuukhal kha a thah lai i tuurun chung tuu kha an i ṭhek dih lai,’ a ti caah, tuzan hrimhrim ah hin nan dihlak in nan ka zamtak lai.

MATTHAI 26:54

Sihmanhsehlaw cu ti a si ahcun, zeitindah hi bantukin a si lai, tiah a rak chimtu Cathiang bia cu a tlin khawh kun hnga?” tiah a ti.

MATTHAI 26:56

Sihmanhsehlaw hi thil vialte hi bantukin a sinak cu profet nih Cathiang chungah an rak ṭialmi kha a tlinnak ding caah a si,” a ti. Cun a zultu hna nih khan an dihlak in an zamtak i an le dih.

MARKA 14:21

Cathiang nih a chimning in Mi Fapa cu a thi ko lai, sihmanhsehlaw Mi Fapa a rawitu ding cu, a caah a va poi hringhran dah! Cu pa cu chuak lo lawlaw in rak um seh law a caah a ṭha deuh hnga,” tiah a ti.

MARKA 9:12

Jesuh nih cun, “Zeizong vialte rak timh chung awkah Elijah cu a ra hmasa taktak ko. Asinain, zeicahdah Cathiang nih, Mi Fapa nih temhinnak tampi a huah lai i a hlawt zong hlawt a si lai, tiah a ti hnga?

LUKA 22:22

Pathian nih a khiah cia bantukin Mi Fapa cu a thi lai, sihmanhsehlaw a rawitu caah cun ṭihnung a va si hringhran dah!” tiah a ti.

LUKA 24:46

Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho ṭhan lai,

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

JOHAN 19:24

Ralkap nih cun, “Hi hi cu thlek hlah u sih, camcawhfung tu in zuk u sih,” tiah an i ti i cuticun Cathiang nih, “Ka hnipuan cu an i ṭhen i Ka angki caah camcawhfung an zuh,” tiah a timi kha a hung tling. Cuticun ralkap nih cun an tuah.

JOHAN 19:28

Atu cu zeizong vialte kha a tling dih cang ti kha Jesuh nih cun a hngalh i Cathiang nih a rak chimmi tlinternak caah khan, “Ka ti a hal,” tiah a ti.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

1 KORIN 15:3

Ka rak hmuhmi kha nannih kan pek chin hna i cucu a biapi ngaingaimi a si. Cucu zeidah a si tiah, Cathiang chungah a rak i ṭial bang khan Khrih cu kan sualnak caah a thi;