MATTHAI 24:7 - Lai (Hakha) Common Language Bible 2006

⁷ Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai.

Laibaibal Thiang (BSI)

⁷ Zeitintiah phunkhat le phunkhat an i doh lai. ram le ram an i doh lai. Hmun kipah mangṭâm a tlung lai, rai an tlung lai i kakip ah li ai hnin lai.

MATTHAI 24:7 Խաչաձեւ Հղումներ

LUKA 21:11

hmun kip ah ṭih a nungmi lihnin le mangṭam le ngal-eu zawtnak a tlung lai; thil ṭihnung le hmelchunhnak ngan pipi kha van in an lang lai.

BIAPHUAN 6:8

Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangṭam in siseh, rai in siseh, sahrang in siseh, mi thah khawhnak nawl kha pek an si.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

ZEKHARIAH 14:13

Khi ni ah Bawipa nih a thlahmi ṭihnak nganpi nih a tlunhnawh hna lai i, mi nih a hawipa kha lung ṭhawnnak a hun pek liote ah khin amah tuk awk caah cun a kut kha a hun hler colh ko lai.

LAMKALTU 11:28

an lak i pakhat a min Agabas an timi kha a dir i vawleicung dihlak ah mangṭam a fak ngaimi a tlung lai, tiah Thlarau ṭhawnnak thawngin, a rak chimchung. (Cu mangṭam cu Klaudias siangpahrang a si lioah khan a tlung).

2 CHANRELNAK 15:6

Phun khat le phun khat, khua khat le khua khat an i do i an kek an kuai dih, zeicahtiah Pathian nih harnak phun zakip in harnak a pek hna.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

HEBRU 12:27

“Voi khat cu ka hninh ṭhan lai,” ti bia nih hin, sermi thil cu hninh le ṭhial an si lai ti kha fiang tein a langhter i hninh khawh lomi thil kha a hmun lai.

EZEKIEL 21:27

Rawhralnak, rawhralnak! Asi, khuapi cu rawhralnak chungah ka phakter lai. Asinain khuapi dantattu dingah ka thimmi a phak hlan cu hi rawhnak hi a tlung lai lo. Amah sinah cun khuapi kha ka pek lai.

EZEKIEL 14:21

“Mah hihi Bawipa Pathian bia cu a si: Cucaah cun ka dantatnak pali, vainam le mangṭam, sahrang le rai hna hi, minung le saṭil hna hrawh awkah Jerusalem khua cung i ka tlunter tikah, a caah zeitluk in dah ruahchannak a tlawm chinchin lai!

LAMKALTU 2:19

Cunglei van ah khin khuaruahharmi thil ka tuah hna lai i Tanglei vawlei ah hin hmelchunhnak ka umter hna lai — thisen le mei le a chahmi meikhu an si lai.

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

BIAPHUAN 6:5

Cun Tuufa nih cun cakhenh pathumnak kha a phoih; cun saram nung pathumnak nih, “Ra,” a ti kha ka theih. Ka hun zoh i rang nak pakhat ka hmuh. A cung i aa citmi nih cun cuaithlainak pakhat aa put.

BIAPHUAN 6:6

Saram nung pali hna lakin a chuakmi aw a lomi aw pakhat ka theih i cu aw nih cun, “Ni khat ni hlawh caah changvut cu khiat khat, barli cu khiat thum. Sihmanhsehlaw oliv chiti le mitsur hang cu hrawk hna hlah,” a ti.