MATTHAI 24:29 - Lai (Hakha) Common Language Bible 2006

²⁹ “Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

Laibaibal Thiang (BSI)

²⁹ Cubantuk harnâk cân a dih le cângkâ, ni a mui lai i thlapa nih a ceunâk a chuah ti lai lo. Van in arfi kha an tla lai i van ṭhawnnâk cu ai hnin lai.

MATTHAI 24:29 Խաչաձեւ Հղումներ

AMOS 8:9

Bawipa nih hi bangin a ti: Khi ni ah cun ni kha chun ah ka tlakter lai i Vawlei kha chun lingpi ah ka muihter dup lai.

JOEL 3:15

Ni le thlapa cu an mui i arfi cu an ceu ti lo.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

ISAIAH 24:23

Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

BIAPHUAN 8:12

Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.

JOEL 2:10

An hmaiah cun vawlei kha aa hnin i van kha an ther, Ni le thlapa kha an mui i arfi kha an ceu ti lo.

AMOS 5:20

Bawipa ni cu khuaci muih ni taktak a si ko lai, Ceunnak ni a si lai lo; Ceunak um loin a mui dupmi ni a si ko lai.

MATTHAI 24:21

Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo.

MATTHAI 24:8

Hi thil vialte hi nau chuah lai nganfah a hmasa bik bantuk an si.

PHUNGCHIMTU 12:2

Cu caan cu ni le thlapa le arfi hna an ceunak a dulh i ruah minmei na caah a ṭian ti lo caan kha a si lai.