MATTHAI 24:19 - Lai (Hakha) Common Language Bible 2006

¹⁹ Cu caan ah cun fapawi nu hna le nau no ngeimi nu hna caah a har hringhran lai.

Laibaibal Thiang (BSI)

¹⁹ Cu cân ah fa pawimi le nau pawmmi caah a har khun lai.

MATTHAI 24:19 Խաչաձեւ Հղումներ

LUKA 21:23

Cu caan ah cun fapawi nu ca le hnuktlai lio nau a ngeimi hna caah zeitluk in dik a har lai. Hi ram chungah hin harnak ṭihnung a tlung lai i hi miphun cungah hin Pathian thinhunnak a tlung lai.

ṬAHNAK HLA 4:10

Nu nunnem tete hna nih khan anmah kut in an fale kha an chumh hna; Ka mi hna cu hliam an si ni ah cun an fale lila cu an rawl ah an cang ko.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

2 SAMUEL 4:4

Saul fapa Jonathan nih khan fapa pakhat a ngeih i amah cu a ke a bei. Saul le Jonathan kong kha Jezreel in a hung than tikah amah cu kum nga a si; cun a cawngtunu nih khan aa pom duak i a zampi; cun khulrang i a zam lioah khan a thlak sual i a ke kha a bei. Cun a min cu Mefibosheth a si.

2 SIANGPAHRANG 15:16

Khi caan ah khan Menahem nih Tappuah khua kha a tei i a chung i a ummi vialte le a ram chung Tirzah khua thawk in a ummi vialte kha a hrawh hna; annih nih khua chung luh kha an onh duh lo caah cun a hrawh; cun a chung i a ummi nu fapawi kha a thler dih hna.

MATTHAI 21:16

cucaah Jesuh cu, “An chimmi cu na thei maw?” tiah an ti. Jesuh nih cun, “Thei dah e! ‘Ngakchia tete hna le hnuktlai lio bawhte hna kha, na thangṭhatnak cu na chimter hna,’ tiah Cathiang chungah aa ṭialmi kha nan rel bal lo maw?” tiah a ti hna.

MATTHAI 24:18

Lo i a ummi cu a puan lak awkah tlung hlah seh.

MATTHAI 24:20

Nan zam caan hi khuasik caan le Sabbath ni ah a si sual nakhnga lo, Pathian sinah thlacam u.