MATTHAI 24:17 - Lai (Hakha) Common Language Bible 2006

¹⁷ A inncung i a ummi cu a innchung i a ummi thilri lak awkah ṭum hlah seh.

Laibaibal Thiang (BSI)

¹⁷ Inn cung i a ummi nih thil lak awkah inn chungah ṭum hlah seh;

MATTHAI 24:17 Խաչաձեւ Հղումներ

MATTHAI 10:27

Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.

LAMKALTU 10:9

A thaizing chun hrawng Joppa khua an hei phak deng ah khan, Peter cu thlacam awkah inn cungah a kai.

LUKA 12:3

Cucaah mui lakah nan chimmi cu chun ceu ah theih an si lai, cun innka nan i khar khumhnak khaan chungah a thli tein nan chimmi cu inncung in aupi an si lai,” tiah a ti.

LUKA 5:19

Sihmanhsehlaw mi an tam tuk caah zei ti hmanh in an luhpi kho lo. Cucaah inncung ah an kaipi i inn cihmi lungtlap kha an ṭhial hna hnuah a ihkhun cun mizapi laifang ah cun Jesuh hmaika ah khan an vun thlak.

MATTHAI 6:25

“Cucaah cun nan nunnak ding ca i nan herhmi rawl le ti kong ah le nan pum ca i nan herhmi hnipuan kong ah lungrethei awlokchong in va um hlah u, kan ti hna. A ngaingai ti ahcun, nunnak hi rawl nakin a biapi deuh lo maw? Cun pum zong hi hnipuan nakin a biapi deuh lo maw?

1 SAMUEL 9:25

Cun khuahrum bo in khua chungah an run tikah inncung ah Saul cu ihnak a phahpiak i a it.

DEUTERONOMI 22:8

“Inn thar nan sak tikah nan inncung cu tlakdawn in nan kulh lai, cuka cun mi an tlak sual i nan inn cungah thisen chuah mawhnak cu nan tlunter sual nakhnga lo.

JOB 2:4

Khi tikah Satan nih Bawipa cu a leh i, “Cuar caah cuar! Mi nih cun a ngeihmi vialte cu a nunnak caah cun a sian ko lai ta.

2 SAMUEL 11:2

Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai.

MATTHAI 24:16

Cun Judea ram i a ummi kha tlang ah zam hna seh.

MATTHAI 24:18

Lo i a ummi cu a puan lak awkah tlung hlah seh.