MATTHAI 21:22 - Lai (Hakha) Common Language Bible 2006

²² Nan zumh ahcun thlacamnak in nan halmi paoh kha nan hmuh lai,” a ti.

Laibaibal Thiang (BSI)

²² Zeizong vialte hi zumhnâk he thlacam in nan hal ahcun, nan hmuh ko lai,” tiah a leh hna.

MATTHAI 21:22 Խաչաձեւ Հղումներ

MATTHAI 7:7

“Hal u law an in pek hna lai, kawl u law nan hmuh lai, king u law innka cu an in hunpiak hna lai.

MARKA 11:24

Cucaah cun, thlacam in nan halmi thil paoh kha, kan hmuh cang, tiah zum u law nan halmi paoh cu nan hmuh ko lai.

1JOHAN 3:22

amah nawl kha kan ngaih ca le a duhmi kha kan tuah caah kan halmi paoh kha kan hmuh.

MATTHAI 18:19

Cun hi zong hi kan chimh hna: hi vawlei cungah hin, nan halmi thil kong ah, pahnih nan lung aa khah ahcun, nan halmi thil cu vancung i a ummi ka Pa nih an pek hna lai.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

JOHAN 14:13

Pa sunparnak cu Fapa thawngin a langh khawh nakhnga, ka min in nan halmi paoh cu kan tuahpiak hna lai.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

MATTHAI 7:11

Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!