MATTHAI 20:8 - Lai (Hakha) Common Language Bible 2006

⁸ “Zanlei a hung si tikah dum ngeitu nih cun a dum uktu kha a kawh i, ‘Rian ṭuantu kha au hna law an ṭuan man kha pe cio hna, hmanung bik i fialmi kha a hmasa bik ah pe hna law hmasa bik i fial mi kha hmanung bik ah pe hna,’ tiah a ti.

Laibaibal Thiang (BSI)

⁸ Zanlei ah dûm ngeitu nih dûm congtu hna sinah, “Rianṭuantu kha au hna law a hnu bik in a hmasa bik tiang an hlawh pe hna,” tiah a ti.

MATTHAI 20:8 Խաչաձեւ Հղումներ

DEUTERONOMI 24:15

ni a tlak hlanah, a ṭuan ni ah cun, a rianṭuan man cu na pek lai (zeitintiah sifak a si i a herh ngaingai ko); cu ti a si lo ahcun Bawipa kha nangmah kongah a auh lai i na cungah sualnak a si sual lai.

1 PETER 4:10

Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

TITAS 1:7

Khrihfabu hruaitu cu Pathian rian ṭuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

LUKA 10:7

Cu inn ah cun um ko u law an in pekmi hna paoh kha va ding u law va ei ko u; zeicahtiah rianṭuantu cu a ṭuan man a hmuh awk a si. Inn khat hnu inn khat in i thawn lengmang hlah u.

LUKA 8:3

Herod zung i bawi a simi Khuza nupi Joanna le Susanna le Jesuh le a zultu hna kha an ngeihmi thil in a rak bawmtu hna, nu dang tampi kha an si.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 25:19

“Caan saupi hnuah khin an bawipa cu a ra tlung ṭhan i an tangka hmannak kong kha felfai in a tuahpi hna.

LEVITIKAS 19:13

“Na innpa kha na serhsat lai lo i a ramh zong na ramh lai lo. Kuli ṭuanmi rianṭuan man cu zan khuadei a thaizing tiang na sinah i chiah hlah.

GENESIS 43:19

Cucaah Josef inn zohtu cu an va fuh i innka hram ah khan an va chawnh i,

GENESIS 15:2

Sihmanhsehlaw Abram nih cun a thawh ve i, “Maw Bawipa Pathian, kei cu fa ka ngei lo; cucaah zeitindah laksawng cu na ka pek khawh lai? Ka ro a ka cotu ding cu Damaskas khuami Eliezer hi pei a si ko hi.

MATTHAI 20:7

‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va ṭuan u,’ tiah a ti hna.

MATTHAI 20:9

Suimilam panga ah ṭuan aa thawkmi pawl kha ngun tangka phar khat cio a pek hna.

RUTH 2:6

Cun rawlṭuantu a zohtu hna sinum nih cun, “Moab mi ngaknu kha a si, Moab ram in Naomi he a raminu kha.