MATTHAI 2:2 - Lai (Hakha) Common Language Bible 2006

² “Judah siangpahrang a si lai dingmi ngakchia a chuakmi cu khuazei ah dah a um? A arfi nichuahlei in a chuah kha kan hmuh i amah biak awkah cun atu hi kan ra,” an ti.

Laibaibal Thiang (BSI)

² “Judah Siangpahrang a chuakmi cu khuazeiahdah a um? Nichuahlei ah a arfi kan hmuh i Amah biak awkah kan ra” tiah an ti.

MATTHAI 2:2 Խաչաձեւ Հղումներ

NAMBAR 24:17

Amah cu ka hmuh, sihmanhsehlaw atu i a si bantuk hi a si lo, Amah cu ka zoh, sihmanhsehlaw atu naite i a si bantuk hi a si lo: Jakob chungin arfi pakhat a chuak lai i Israel chungin bawifung pakhat a chuak lai; Moab cal cu a khuai lai i Sheth fapale hna cu a den dih hna lai.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

ISAIAH 60:3

Miphun tanpi nih na ceunak cu an fuh lai i na ni thar a chuakmi cu siangpahrang nih an fuh lai.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

HEBRU 1:6

Pathian nih a fater cu vawlei cung i a thlah tikah, “Pathian vancungmi vialte nih amah cu an biak awk a si,” a ti.

LUKA 23:38

A lucung i an ṭialmi bia cu: “Hihi Judah Siangpahrang cu a si,” ti hi a si.

LUKA 23:3

Cun Pilat nih cun, “Judah mi hna siangpahrang cu na si maw?” tiah a hal. Jesuh nih cun, “Na chim bangin ka si ko,” tiah a leh.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

JOHAN 1:49

Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

LUKA 19:38

“Bawipa min in a rami siangpahrang cu Pathian nih thluachuahnak pe ko seh. Vancung ah daihnak um seh law, Pathian cu sunparnak pek si ko seh,” tiah an au.

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

JEREMIAH 30:9

Bawipa an Pathian le an caah ka chuahter laimi an siangpahrang David kha an rian an ṭuan cang hna lai, tiah Ralkapbu Bawipa nih a ti.

SALM 45:11

Naa dawh caah siangpahrang nih an duh lai, amah cu na bawi a si, a nawl kha va ngai tuah.

JOHAN 9:38

“Bawipa ka zumh,” tiah mipa nih cun a ti i Jesuh hmaiah cun a khuk aa bil.

JOHAN 19:19

Pilat nih ca pakhat a ṭial i vailam tahnak cungah cun a tar. A ṭialmi cu “Nazareth khuami Jesuh Judah Siangpahrang” ti a si.

JOHAN 12:13

Cucaah kuhchuk hnah kha an i put i amah don awkah khan an kal i, “Pathian cu thangṭhat ko u! Bawipa min in a rami cu Pathian nih thluachuah pe ko seh. Pathian nih Israel Siangpahrang cu thluachuah pe ko seh,” tiah an au.

MATTHAI 27:11

Mangki bawi hmaiah cun Jesuh cu a dir i mangki bawipa nih cun, “Judah siangpahrang cu na si maw? tiah a hal. “Na chim ko cu ta,” tiah Jesuh nih a leh.

JOHAN 20:28

Thomas nih cun, “Ka Bawipa le ka Pathian,” tiah a ti.

MATTHAI 21:5

“Zion fanu cu va chim u law, ‘Na siangpahrang cu nangmah lei ah a ra lio, Amah cu mi nunnem a si i laa cu a hun i cit, Laa note a hun i cit,’ va ti u,” tiah a timi tlinternak caah khan a si.

MATTHAI 2:3

Cu bia cu Siangpahrang Herod nih a theih tikah a awlok a chong ngaingai i cu bantuk cun Jerusalem khuami vialte hna zong kha an si ve.