MATTHAI 19:22 - Lai (Hakha) Common Language Bible 2006

²² Cu bia cu tlangval nih khan a theih tikah ngaihchia in a kal, zeicahtiah amah cu mirum ngaingai a si.

Laibaibal Thiang (BSI)

²² Tlangval pa nih cu bia a theih tikah hmaichia ngaiin a kal, zeitintiah chawva tampi a ngeimi a si.

MATTHAI 19:22 Խաչաձեւ Հղումներ

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

MARKA 10:22

Cu bia cu mipa nih khan a theih tikah a hmai a chia i ngaihchia ngaiin a kir; zeicahtiah a rum ngaingaimi a si.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

LUKA 18:23

Sihmanhsehlaw hi bia cu mipa nih khan a theih tikah a ngaih a chia ngaingai, zeicahtiah amah cu mirum ngaingai a si.

MATTHAI 14:9

Siangpahrang cu a ngaih a chia ko, sihmanhsehlaw chiat a sermi ruang le a sawmmi hna kha an hmai a khah hna lo ruangah, a duhmi cu tlinter si ko seh, tiin nawl a pek hna.

MARKA 6:26

Siangpahrang cu a awlok a chong ko, sihmanhsehlaw a sawmmi upa hna hmaiah khan, kha ti khan bia aa kam laklawh cang ṭung caah, a al kho lo.

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.

MATTHAI 19:21

Jesuh nih cun a thawh i, “Mi tling si na duh ahcun, va kal law na ngeihmi thil vialte kha va zuar hna; cun tangka na hmuhmi cu misifak kha va pe hna; cuticun vancung khua ah chawva na ngei lai, cun ra law rak ka zul,” tiah a ti.

MATTHAI 19:23

Jesuh nih a zultu cu a thawh hna i, “Vancung Pennak chung luh hi mirum caah cun a har ngaingai lai, tiah kan chimh hna.

JOHAN 16:20

Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.