MATTHAI 18:35 - Lai (Hakha) Common Language Bible 2006

³⁵ “Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai,” tiah a ti hna.

Laibaibal Thiang (BSI)

³⁵ Cuticun lungthin tak tein nan unau sualnâk nan ngaihthiam hna lo ahcun, van i ka Pa zong nih cubangin nan cungah a tuah ve lai.

MATTHAI 18:35 Խաչաձեւ Հղումներ

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

MARKA 11:25

Cun thlacam in nan dir tikah, an cung i thinhunnak nan ngeihmi paoh kha, ngaithiam hna u, vancung nan Pa zong nih nan sualnak kha an ngaihthiam khawh ve hna nakhnga,” tiah a ti.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

PHUNGTHLÛKBIA 21:2

Mi kip nih mahle umtuning cio hi mahle mit cio ah cun a dik in hmuh a si, Sihmanhsehlaw lungthin cuai a thlaitu cu Bawipa a si.

PHUNGTHLÛKBIA 21:13

Misifak hna an au tikah a hna aa chehmi cu, amah a au ve tikah ahohmanh nih an theihpiak ve lai lo.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

JEIM 3:14

Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

ZEKHARIAH 7:12

An lungthin cu lung bantukin a hak: hlanlio profet hna thawngin a thlarau in ralkapbu Bawipa nih a cawnpiaknak hna kha i lak an duh lo; cucaah ralkapbu Bawipa thinhunnak ruangah cun fahnak kha an in.

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

MATTHAI 18:34

An bawipa cu a thin a hung ngaingai i a salpa cu a leiba a lim khawh dih hlantiang thong ah a thlak.

MARKA 11:26

Midang kha an sualnak nan ngaihthiam hna lo ahcun vancung i a ummi nan Pa zong nih nan sualnak an ngaithiam ve hna lai lo,” tiah a ti.